9 t’aqata qallarinapaq
Kay t’aqapin yachasun Jehová Diospi iñiq wawakunamanta, profetakunamanta, reykunamantawan. Siria nacionpi tarikuq Israelmanta sipaschan iñirqan Naamanta Diospa profetan qhaliyachinanpi. Profeta Eliseotaq iñirqan Jehová Dios jatun ejercitomanta pakaykunanta. Uma sacerdote Jehoiadataq vidanta peligropi churarqan Jehoás waynachata millay abuelan Ataliamanta pakaykunanpaq. Rey Ezequiastaq confiarqan Jehová Dios Jerusalén llaqtata pakaykunanta, chaymi mana k’umuykurqanchu Asiria soldadokunaman. Rey Josiastaq ch’usaqyachirqan Judá nacionmanta idolokunata, templota allicharqan, runakunatataq yanaparqan Jehová Diosta wajmanta servinankupaq.
KAY T'AQAPIN KAYKUNA KASHAN
51 WILLAKUY
Naamanwan sipaschawan
Israelmanta sipaschan patronanman willan Jehová Diospa atiyninmanta. Chay jawan juj milagro kan.
52 WILLAKUY
Jehová Diospa ejerciton
¿Imaynapin Eliseoq yanapaqnin yacharqan paykunawan aswan askha maqanakuqkuna kasqanta?
53 WILLAKUY
Jehoiadaqa mana manchakuqmi karqan
Tukuy sonqonwan Diosta kasukuq sacerdoten millay reina contra jatarin.
54 WILLAKUY
Jehová Dios Jonaswan pacienciakun
¿Imaraykun jatunkaray challwa Diospa profetanta millp’urqan? ¿Imaynatan salvakurqan? ¿Imakunatan Jehová Dios Jonasman yachachirqan?
55 WILLAKUY
Diospa angelnin Ezequiasta yanapan
Judá nacionpa enemigonkunan ninku: “Jehová Diosqa manan llaqtanta pakaykunqachu”, nispa. Ichaqa pantankun chayta nispaqa.
56 WILLAKUY
Josiasqa Diospa simintan munakurqan
Josiasqa pusaq watanpi Judá nacionta kamachiyta qallarirqan. Jinaspa runakunata yanaparqan wajmanta Jehová Diosta adoranankupaq.
