Kichay leenaykipaq

Índice nisqaman riy

 33 WILLAKUY

Rutwan Noemiwan

Rutwan Noemiwan

Israelpi yarqay kasqanwanmi Noemiwan qosanwan iskay qhari wawankunawan Moab llaqtaman ripuranku. Chaypin qosan wañupuran, wawankunataq Moab warmikunawan casarakuranku, sutinkun karan: Rut, Orpá (Orfá). Chay qhepamanmi wawankunapas wañupuranku.

Israelpi yarqay manaña kasqanta uyarispan Noemiqa decidikuran kutipunanpaq. Rutpas Orpapas paywanmi ripusharanku, chaymi Noemiqa paykunata niran: “Allin esposa, allin qhachunmi karankichis. Maytan munayman jujmanta casarakunaykichista. Kutipuychis wasiykichisman”, nispa. Warmikunataq niranku: “Anchatan munakuykiku, manan saqeykikumanchu”, nispa. Noemí ichaqa askha kutita niran llaqtankuman kutipunankupaq. Jinan Orpaqa kutipuran, Rutmi ichaqa mana munaranchu. Chaymi Noemiqa Rut-ta niran: “Orpaqa kutipunmi llaqtanman diosninkunamanpas, paywan kutipuy”, nispa. Rut-taq niran: “Manan saqesaykichu. Llaqtaykin llaqtay kanqa Diosniykin Diosniy kanqa”, nispa. ¿Imaynan Noemí sientekunman karan chayta uyarispa?

Jinan cebada cosechay tiempopi Israelman chayaranku. Juj p’unchaymi Rutqa chajrakunapi cebadata pallapakuq riran, Boazpa (Booz) chajranpin pallapakuran, Boazqa Rahabpa wawanmi karan. Boazmi uyarisqa allin warmi kasqanta, Noemita munakuspa paywan qhepakusqantapas. Jinan Boazqa llank’aqninkunata kamachiran cebadata puchunankupaq, chhaynapi Rut pallapakunanpaq.

 Chay tutan Noemiqa Rut-ta tapuran: “¿Maypin kunan p’unchay llank’amuranki?”, nispa. Rut-taq kutichiran: “Boazpa chajranpi”, nispa. Jinan Noemiqa niran: “Boazqa qosaypa familianmi. Paypa chajrallanpi llank’amuy sipaskunawan kuska. Chaypiqa allinmi kanki”, nispa.

Rutqa cosecha tukunankaman Boazpa chajranpi llank’aran. Boazqa repararanmi sumaq warmi allin llank’aq kasqanta. Chay tiempopiqa juj runa mana wawayoq kashaspa wañupuq chayqa, jujnin parientenmi viudawan casarakuq. Chaymi Boazqa Rutwan casarakuran. Juj wawayoqmi karanku, Obed sutitataq churaranku. Obedqa rey Davidpa abuelonmi karan. Noemipa amigonkunan kusisqa niranku: “Jehová Diosqa Rut-tan qorasunki cuidanasuykipaq, chaymantapas kunanqa nietoyoqmi kapunki. Chayrayku Jehová Diosta alabasun”, nispa.

‘Kanmi wayqemantapas aswan munakuq amigo’ (Proverbios 18:24)