Kichay leenaykipaq

Índice nisqaman riy

 30 WILLAKUY

Rahabmi qhawaqkunata pakaykun

Rahabmi qhawaqkunata pakaykun

Israel qharikunan Jericó llaqtata qhawaq riranku, jinaspa Rahabpa wasinpi qhepakuranku. Chayta yacharuspan Jericó llaqtamanta reyqa soldadokunata kacharan Rahabpa wasinman. Rahabtaq qhawaqkunata wasiq techonpi pakaruspa soldadokunata niran: “Manan kaypiñachu kanku juj ladota maskhamuychis”, nispa. Jinan Rahabqa qhawaqkunata niran: “Qankunawanmi Jehová Diosqa kashan, chaymi kay allpata jap’ikapunkichis. Ama jinachu, familiaytawan salvaykuwaychis”, nispa.

Llaqta qhawaqkunan Rahabta niranku: “Sichus puka waskhata ventanaykipi warkunki chayqa, manan wasiyki ukhupi kaqkunaqa wañuchisqachu kanqa”, nispa.

Rahabqa waskhawanmi ventananta qhawaqkunata uraykachiran llaqtamanta lloqsinankupaq. Qhawaqkunaqa kinsa p’unchaymi orqopi pakakuranku, chay qhepamanmi Josuepa kasqanman kutiranku. Chaymantan Israel runakunaqa Jordán mayuta chimpaspa preparakuranku Jericó llaqtata jap’ikapunankupaq. Jehová Diosmi  kamachiran p’unchaypi juj kutita llaqtata muyurinankupaq. Soqta p’unchaymi chayta ruwaranku, qanchis kaq p’unchaypin ichaqa qanchis kutita muyuriranku. Chaymantan sacerdotekunaqa trompetata tocaranku Israel soldadokunataq kallpawan qapariranku. Jinan llaqtata muyuriq perqakunaqa thunikuran. Rahabpa wasinpas llaqtata muyuriq perqapin kasharan, wasinmi ichaqa mana urmaykuranchu. Rahabpas familianpas Jehová Diospi confiasqankuraykun salvakuranku.

“¿Manachu [...] Rahabpas imachus ruwasqanrayku chaninpaq jap’isqa karan? Payqa qhamiyaq runakunata sumaqta chaskispan juj ladonta kachapuran” (Santiago 2:25)