Kichay leenaykipaq

Índice nisqaman riy

 36 WILLAKUY

Jeftepa promesan

Jeftepa promesan

Israel runakunaqa Jehová Diosta qhepanchaspan waj dioskunata adoraranku. Chay dioskunan ichaqa mana jark’aykuyta atiranchu Amón runakunamanta. Israel llaqtaqa askha watakunan sufriran. Chay qhepamanmi Jehová Diosta niranku: “Diosníy qan contran juchallikuyku, enemigoykumanta salvawayku”, nispa. Jinaspa idolokunata chhalluspanku Jehová Diosta adoraranku. Chaymi Diosqa manaña munaranchu sufrinankuta.

Jinan Israel runakunaqa Jefteta ajllaranku, paymi umallinan karan Amón runakunawan maqanakuypi. Jefteqa Diostan prometeran: “Sichus enemigoykuta atipanaykupaq yanapawankiku chayqa, kutimuqtiy pichus ñaupaqta wasiymanta lloqsimuqtan qanman qopusayki”, nispa. Diosqa uyariranmi mañakusqanta, jinan atipachiran.

 Jefté wasinman kutimuqtinmi, sapallan ususin ñaupaqta lloqsimuran. Payqa tusuykuspa panderetata tocaspan lloqsimuran. ¿Imatan Jefté ruwaran? Promesanta yuyarispan niran: “¡Ay ususillay! Qanraqtaqmi kay llakiman churawanki. Jehová Diosmanmi juj promesata ruwarani, chayta junt’anaypaqmi Siló llaqtaman pusasayki adorana karpapi Diosta servinaykipaq”, nispa. Ususintaq niran: “Papay, Diosman prometesqaykitaqa junt’anaykipunin. Ichaqa iskay killata qoway amigaykunawan orqota rinaypaq. Chay qhepamanqa risaqmi adorana karpata”, nispa. Jeftepa ususinqa tukuy sonqonwanmi wañupunankama chaypi serviran. Amigankunapas sapa watanmi Siló llaqtata riqku visitaq.

“Pipas churintapas ususintapas noqamanta astawan munakuqqa manallataqmi noqapaq jinachu” (Mateo 10:37)