6 t’aqata qallarinapaq
Israel runakunapaqqa yupaychana karpan ancha valorniyoq karqan, chaypin Jehová Diosta adoraqku. Sacerdotekunan Diospa kamachikuyninta yachachiqku, juezkunataq llaqtata kamachiqku. Juj runaq ima ruwasqanpas afectanmi jujkunata, chaytan kay t’aqapi yachasun. Israel runakunaqa Diostapas runamasinkutapas respetanankun karqan. Débora, Noemí, Josué, Ana, Jeftepa ususin, Samuelpas llaqtankutan yanaparqanku, chayta wawaykiman entiendechiy. Rahab, Rut, Jael, Gabaón runakuna jinan wakin runakunaqa mana Israelmantachu karqanku, chaywanpas Jehová Dios paykunawan kasqanta yachaspan Israel llaqtanmanta kapurqanku.
KAY T'AQAPIN KAYKUNA KASHAN
30 WILLAKUY
Rahabmi qhawaqkunata pakaykun
Jericó llaqtaq perqankunaqa thunikurqanmi, Rahabpa wasinmi ichaqa mana urmaykurqanchu llaqtaq perqanpiña kasharqan chaypas.
31 WILLAKUY
Josuewan Gabaón runakunawan
Josuemi Diosmanta mañakun: “¡Inti, kaqllapi sayachun!”, nispa ¿Uyarirqanchu Dios mañakusqanta?
32 WILLAKUY
Mosoq umalli iskay mana manchakuq warmikunapiwan
Josuepa wañupusqan qhepamanmi Israelmanta runakuna juj dioskunata adorarqanku. Jinan imaymana sasachakuykunapi tarikurqanku, Jehová Diosmi ichaqa yanaparqan Baracwan Deborawan Jaelwan ima.
33 WILLAKUY
Rutwan Noemiwan
Iskay viudakuna Israelman kutinku. Jujnin kaqmi karqan Rut, paymi campota rirqan chaypitaqmi Boazqa Rut-ta reqsirqan.
34 WILLAKUY
Gedeón Madián llaqtata atipan
Madián llaqtamanta runakunan sinchita Israel runakunata ñak’arichirqan, chaymi Jehová Diospa yanapayninta mañakurqanku. ¿Imaynatan Gedeón pisi soldadokunallawan 135.000 soldadokunata atiparqan?
35 WILLAKUY
Diosmanta juj wawata mañakun
Elcanaqa Anata, Peninata wawakunantintan Dios yupaychana karpaman apan. Chaypin Anaqa Jehová Diosmanta juj wawata mañakurqan, jinan Samuel nacerqan.
36 WILLAKUY
Jeftepa promesan
¿Imatan Jefté prometekurqan? ¿Imaraykun chay promesata ruwarqan? ¿Imanirqanmi ususin chay promesa ruwasqanmanta yachaspa?
37 WILLAKUY
Jehová Dios Samuelwan riman
Elí sacerdoteq wawankunaqa Diosta yupaychana karpapin sacerdotekuna karqanku. Manan Diosta kasukurqankuchu. Samuelmi ichaqa mana paykuna jinachu karqan, jinan juj tuta Jehová Dios payta rimaykamurqan.
38 WILLAKUY
Jehová Dios Sansonman kallpata qon
Diosmi Sansonman kallpa qorqan Filistea runakunawan maqanakunanpaq, mana allinta decidisqanraykun ichaqa Filistea runakunawan jap’ichikurqan.
