Kichay leenaykipaq

Índice nisqaman riy

 12 WILLAKUY

Jacob herenciata chaskin

Jacob herenciata chaskin

Isaacqa 40 watanpi kashaspan Rebecawan casarakuran. Payqa anchatan esposanta munakuran. Tiempowanmi iskay gemelo wawakunayoq karanku.

Kuraqkaqmi karan Esaú qatiqnintaq karan Jacob. Esauqa campotan riq salqa animalkunata cazaq. Jacobmi ichaqa wasipi qhepakuq.

Chay tiempopiqa kuraq wawankumanmi tayta-mamaqa wañupuspa aswan qolqeta aswan askha allpatapas saqeqku. Chaytan nikun herencia nispa. Isaacpa familianpiqa manan chaykunallatachu kuraq kaq wawaqa chaskiq, Abrahanman Jehová Diospa prometesqantawanmi chaskiq. Esauqa mana valeqpaqmi chay promesata qhawariq. Jacobmi ichaqa anchata valoraq chay promesata.

Juj p’unchaymi Esauqa campopi cazamusqanmanta sayk’usqallaña wasiman kutimuran. Jinan Jacobpa wayk’usqan mijuna sumaqta q’apamushasqanta reparaspa niran: “¡Yarqaymantan wañushaniña! ¡Mijunaykita qarariway!”, nispa. Jinan Jacobqa niran: “Ñaupaqta prometeway herenciaykita qopuwanaykipaq”, nispa. Esautaq niran: “¡Munaspaykiqa jap’ikapuy! Noqaqa mijunatan munani”, nispa. ¿Allinchu karan chay ruwasqan? Manan allinchu karan, payqa juj plato mijunawanmi ancha valorniyoq herenciata cambiapuran.

 Machuyapuspan Isaacqa kuraq wawanta bendeciyta munaran. Rebecan ichaqa munaran Jacobta bendecinanta, jinan yanaparan. Chayta yacharuspan Esauqa sinchita phiñakuran, jinaspa yuyaykuran hermanonta wañuchinanpaq. Isaacpas Rebecapas manan munarankuchu Jacob wañunanta, chaymi payta niranku: “Tioyki Labanpa llaqtanman ripuy, hermanoykiq sonqon tiyaykunankama”, nispa. Jacobqa tayta-mamanta kasukuspan ripuran.

‘Juj runachus tukuy imata tarinman, vidantataq chinkachinman chayqa, ¿ima allintaq paypaqri kanman? Juj runa tukuy imantaña qonman chaypas, ¿atinmanchu vidan salvayta?’ (Marcos 8:36, 37)