Kichay leenaykipaq

Índice nisqaman riy

 8 WILLAKUY

Abrahanwan Sarawan Diosta kasukunku

Abrahanwan Sarawan Diosta kasukunku

Babel llaqtaq qayllanpin Ur sutiyoq llaqta karan. Chaypi tiyaq runakunaqa waj dioskunatan adoraqku manan Jehová Diostachu. Juj runan ichaqa Jehová Diosta adoraran, sutinmi karan Abrahán.

Jehová Diosmi Abrahanta niran: “Wasiykita familiaykitawan saqepuspa rikuchisqay llaqtaman ripuy”, nispa. Diosmi prometellarantaq: “Jatun nacionmanmi tukuchisqayki. Kasukusqayki jawan llapa nacionmanta runakuna allinkunata chaskinqaku”, nispa.

Abrahanqa manan yacharanchu Jehová Dios mayman pusananta, chaywanpas Diospin confiaran. Abrahanpas, esposan Sarapas, papan Tarepas, sobrinon Lotpas Diostan kasukuranku. Cosasninkuta alistaspan viajayta qallariranku.

 Abrahán 75 watanpi kashaqtinmi paypas familianpas Jehová Diospa pusasqan llaqtaman chayaranku. Chay llaqtaq sutinmi karan Canaán. Chaypi kashaqtinmi Jehová Diosqa payman prometeran: “Qhawarisqayki llapan kay allpatan wawaykikunaman qopusaq”, nispa. Abrahanwan Sarawanmi ichaqa kuraqña kasharanku. Chhaynaqa, ¿imaynatan Jehová Dios junt’anman promesanta?

‘Iñisqanraykun Abrahanpas ripuran maypichus herenciata chaskinan karan chay ladoman; manaña yacharanchu maymanchus rinanta chaypas’ (Hebreos 11:8)