3 t’aqata qallarinapaq
Biblian willawanchis jatun para kasqan qhepaman pisi runakunalla Jehová Diosta servisqankuta. Jujninmi karqan Abrahán, paytan nirqanku: “Diospa amigon”, nispa. Kay t’aqapin yachasunchis imarayku chhaynata nirqanku chayta. Wawakunayoq kanki chayqa, allinta entiendechiy Jehová Dios wawakunata munakusqanta yanapay munasqantapas. Noqanchispas Abrahán, Lot, Jacob jinan tukuy sonqowan Diospa yanapayninta mañakusunman.
KAY T'AQAPIN KAYKUNA KASHAN
7 WILLAKUY
Jatun torre
Runakunan decidirqanku juj llaqtata jatunkaray torretawan ruwanankupaq. ¿Imaraykun qonqayllamanta Dios paykunata juj rimaykunapi rimachipurqan?
8 WILLAKUY
Abrahanwan Sarawan Diosta kasukunku
¿Imaraykun Abrahanpas Sarapas llaqtankuta saqepuspa Canaán llaqtapi karpakunapi tiyarqanku?
9 WILLAKUY
¡Wawayoq kanku!
Jehová Diosmi Abrahanman prometerqan miraynin jatun nacionman tukunanta. ¿Isaacwanchu icha Ismaelwanchu chay junt’akunan karqan?
10 WILLAKUY
Ama qonqaychu Lotpa esposanwan pasasqanta
Diosmi azufreyoq ninata parachimurqan Sodoma Gomorra llaqtakunaman. ¿Imaraykun chay llaqtakuna thunisqa karqan? ¿Imaraykun mana qonqananchischu Lotpa esposanta?
11 WILLAKUY
Iñiyninpi probasqa karqan
Diosmi Abrahanta nirqan: “Sapallan wawaykita Moria orqoman apaspa sacrificiopi jaywamuway”, nispa. ¿Abrahanpaq sasachu karqan chayta kasukuy?
12 WILLAKUY
Jacob herenciata chaskin
Isaacwan Rebecawanmi gemelo wawakunayoq karqanku. Esaú ñaupaqta nacerqan, chaymi phiwi churiman tupaq herenciata chaskinan karqan. ¿Imaraykun juj plato mijunawan chay herencianta cambiapurqan?
13 WILLAKUY
Jacobwan Esauwan allipunanku
¿Imatan Jacob ruwarqan bendicionta chaskinanpaq? ¿Imaynatan hermanon Esauwan allipunarqanku?
