2 t’aqata qallarinapaq
¿Imaraykun ñaupa tiempopi runakunata jatun parawan Dios wañuchirqan? Ñaupa tiempomantapachan wakin runakunaqa allin kaqta ruwarqanku wakintaq millaykunata ruwarqanku. Adanpas, Evapas, Cainpas, jujkunapas mana allinkunatan ruwarqanku. Wakinmi ichaqa allin kaqta ruwarqanku Abel jina Noé jina. Yaqa llapa runakunan millaykunata ruwarqanku, chaymi Jehová Diosqa chay runakunata wañuchipurqan. Jehová Diosqa reparashanmi allin kaqta mana allin kaqta ruwasqanchista. Jinaspapas manan permitinqachu mana allin ruwaykuna kashanallanta, chaykunamantan kay t’aqapi yachasunchis.
KAY T'AQAPIN KAYKUNA KASHAN
3 WILLAKUY
Diostan mana kasukurqankuchu
¿Imapin jujniray karqan allin kaqta mana allin kaqta reqsichiq sach’a juj sach’akunamanta? ¿Imaraykun Eva mana chay sach’a ruruta mijunanchu karqan?
4 WILLAKUY
Sinchita phiñakuspa hermanonta wañurachirqan
Abelpa ofrendantan Diosqa chaskirqan, Cainpatan ichaqa mana. Chayta yachaspan Cainqa sinchita phiñakurqan, mana allintataq ruwarqan.
5 WILLAKUY
Noé arcata ruwan
Angelkunan urayamuspa warmikunawan casarakurqanku, jinaspa wawankunaqa maqakuq jatunkaray runakuna karqanku. Tukuy ladopin maqanakuykuna wañuchinakuykuna karqan. Noé ichaqa Diosta munakurqan kasukurqan ima.
6 WILLAKUY
Pusaq runakuna salvakurqanku
40 p’unchayta 40 tutatawanmi pararqan. Noepas familianpas wata masmi arcapi karqanku. Chay qhepamanmi arcamanta lloqsirqanku.
