Kichay leenaykipaq

Índice nisqaman riy

 102 WILLAKUY

Juan rijuriykunata rikun

Juan rijuriykunata rikun

Apóstol Juan Patmos islapi preso kashaqtinmi Jesusqa jamuq tiempomanta 16 rijuriykunata rikuchiran. Chaypin Juanqa rikuran imaynata Diospa sutin ch’uyanchasqa kananmanta, imaynata Diospa gobiernon jamunanmanta, imaynata Diospa munaynin kay pachapi ruwakunanmantawan.

Juj rijuriypin Juanqa rikuran Diosta. Muyuriqninpin 24 runakuna kasharanku yuraq p’achawan p’achasqa qori coronayoq. Diospa trononmantataq k’anchay k’ancharimuran rayoq t’ojasqan jinataq uyarikuran. 24 runakunaqa Diospa ñaupanpi k’umuykuspan adoraranku. Jujpitaq rikuran ancha askha runakunata, paykunan karanku llapa nacionmanta rimaykunamantawan, Diostataq adoraranku, Jesustaq michiqninku karan, kausay unumantaq pusaran. Juj kaqpitaq rikuran Jesusta 24 kuraq runakunatawan kamachiyta qallarisqankuta. Qatiqninpitaq rikuran Jesús Satanaswan supayninkunawan maqanakusqanta. Jinaspan Jesusqa kay allpaman wijch’umuran.

 Chay qhepamantaq rikuran Jesusta 144.000 runakunatawan Sión orqo patapi sayashaqta. Rikullarantaq juj angelta “Diosta jatunchaychis” nishaspa allpantinpi volashaqta.

Juj rijuriypitaq rikuran Armagedón guerrata. Chay guerrapin Jesusqa ejercitonwan Satanaspa kamachisqan pachata atiparan. Tukukuy rijuriypitaq rikuran janaq pachapipas kay pachapipas ancha sumaq kausay kasqanta, llapankun juj nisqalla thajpi kausaranku. Wiñaypaqmi Satanaspas qatikuqninkunapas chinkachisqa karanku. Llapankutaq Diospa sutinta ch’uyapaq jap’iranku, payllatataq adorarankupas.

“Qantawan warmitawanmi cheqninachisqaykichis, mirayniykitawanpas paypa miraynintawanpas, mirayninmi umaykipi t’ustusunki, qantaq talonninpi kaninki” (Génesis 3:15)