Kichay leenaykipaq

Índice nisqaman riy

 87 WILLAKUY

Señorpa cenan

Señorpa cenan

Judiokunaqa Pascua fiestatan sapa wata nisán killapi 14 p’unchaypi festejaqku. Chaypin yuyariqku Egiptopi esclavo kasqankumanta Jehová Dios imayna librasqanta, prometesqan allpaman pusasqantapas. 33 watapin Jesusqa apostolninkunawan Pascua fiestata festejaranku Jerusalenpi juj altos cuartopi. Mijuyta tukusqanku qhepamanmi Jesusqa niran: “Jujniykichismi traicionawankichis”, nispa. Apostolkunataq admirakuspa tapuranku: “¿Pitaqri señor?”, nispa. Jesustaq niran: “T’antata jaywasqay runan”, nispa. Jinan Jesusqa t’antata jaywaran Judas Iscarioteman. Chaymi Judasqa kaqrato lloqsiran.

Jinan Jesusqa mañakuspa t’antata p’akispa apostolkunaman jaywaran, nirantaq: “Mijuychis kay t’antata. Kayqa qankunarayku qosqay cuerpoytan representan”, nispa. Wajmanta mañakuspataq apostolkunaman vinota jaywaspa niran: “Ujaychis kay vinota. Kayqa yawarniytan representan. Chaytan qosaq juchaykichis perdonasqa kananpaq. Prometeykichismi noqawan kuska janaq pachapi rey kanaykichispaq. Sapa watataq kayta ruwankichis yuyariwanaykichispaq”, nispa. Chayta yuyarinankupaqmi Jesuspa discipulonkunaqa sapa wata juñukunku. Chay juñunakuytan “Señorpa cenan” nispa sutichanku.

 Chay qhepatan apostolkunaqa discutiranku pichus paykunamanta aswan kuraq kasqanmanta. Jesusmi ichaqa niran: “Qankuna ukhupi kuraqpaq qhawarikuqqa sullk’a jina kachun”, nispa.

Jesusmi nillarantaq: “Qankunaqa amigoykunan kankichis. Chaymi Papaypa niwasqanta willaykichis. Papaypa kasqanmanmi risaq. Qankunan ichaqa kaypi qhepakunkichis. Munanakuqtiykichismi runakunaqa yachanqaku discipuloykuna kasqaykichista. Qankunata munakusqayta jinan munanakunkichis”, nispa.

Jesusqa Diostan mañakuran discipulonkunata pakaykunanpaq, juj jinalla thajpi llank’anankupaq yanapananpaqpas. Mañakuranmi Diospa sutin ch’uyanchasqa kananpaqpas. Chay qhepamanmi Jesusqa apostolkunawan Jehová Diospaq takiranku, jinaspa jawaman lloqsiranku. Ñan tiempoña kasharan Jesusta jap’inankupaq.

“Ama manchakuychischu, pisi t’aqa ovejakuna, Yayaykichismi qankunamanqa gobiernonta qosunkichis” (Lucas 12:32)