Kichay leenaykipaq

Índice nisqaman riy

 92 WILLAKUY

Jesús challwaqkunaman rijurin

Jesús challwaqkunaman rijurin

Apostolkunaman Jesuspa rijurisqan qhepamanmi Pedroqa riran Galilea lamar-qochapi challwamunanpaq. Paywantaq riranku Tomás, Santiago, Juan, juj discipulokunapiwan. Tutantinmi ichaqa mana imatapas challwarankuchu.

Tutamantantan juj runata lamar-qocha cantopi rikuranku. Chay runan paykunata niran: “¿Manachu imallatapas challwarankichis?”, nispa. Paykunataq niranku: “Manan”, nispa. Paytaq niran: “Boteq paña ladonman mallaykichista wijch’uykuychis”, nispa. Chayta ruwaqtinkun mallankuman askha challwa junt’aykuran. Jinan Juanqa niran: “Señormi”, nispa. Pedrotaq kaqpacha unuman saltaykuspa lamar-qochaq cantonkama nadamuran, jujkunataq botepi jamuranku.

Chayamuspan rikuranku sansa patapi challwa kashaqta t’antatawan. Jesustaq niran: “Jap’imusqaykichis challwakunatawan apamuychis”, nispa. Chay qhepamantaq niran: “Desayunaychis”, nispa.

 Desayunayta tukusqanku qhepamanmi Jesusqa Pedrota tapuran: “¿Kay challwakunamanta astawanchu munakuwanki?”, nispa. Pedrotaq niran: “Ari señor, yachankin munakusqaytaqa”, nispa. Jesustaq niran: “Chhaynaqa ovejaykunaman mijuchiy”, nispa. Jesusqa wajmantan tapuran: “¿Munakuwankichu?”, nispa. Pedrotaq niran: “Ari señor”, nispa. Jesustaq niran: “Ovejachaykunata michiy”, nispa. Kinsa kutipi tapuqtinmi Pedroqa niran: “Señor, qanqa tukuytan yachanki. Yachankin munakusqayta”, nispa. Jesustaq niran: “Ovejachaykunaman mijuchiy”, nispa. Jinaspapas niranmi payta qatikushanallanpaq.

“[Jesusmi] paykunata niran: ‘Qhepayta jamuychis, noqan runakuna challwayta yachachisaykichis’, nispa. Paykunataq kaq ratopacha llikankuta saqerparispa qatikuranku” (Mateo 4:19, 20)