Kichay leenaykipaq

Índice nisqaman riy

 81 WILLAKUY

Orqopi yachachisqan

Orqopi yachachisqan

Jesusqa 12 apostolninkunata ajllasqan qhepamanmi orqomanta uraykamuspa askha runakunaq kasqanman riran. Paykunaqa Galileamanta, Judeamanta, Tiromanta, Sidonmanta, Siriamanta, Jordán mayuq chimpanmantawanmi jamuranku. Apamusqakutaq onqosqakunata, supaykunaq ñak’arichisqan runakunatawan. Jesusmi ichaqa llapankuta qhaliyachiran. Jinaspa qhatanirayman wichaspa rimayta qallariran. Willaranmi Diospa amigon kanapaq imachus ruwananchis kasqanta. Ñaupaqtaqa Diostan reqsinanchis, jinaspa munakunanchis. Sichus runamasinchista mana munakunchischu chayqa, manan Diosta munakusunmanchu. Jinaspapas llapa runapaqmi allin kaqta ruwapunanchis.

Niranmi: “Manan amigollaykitachu munakunayki. Enemigoykitapas munakunaykin, sonqomantataq perdonanayki. Pipas qanwan phiñasqa kashan chayqa, perdonta mañakuspa allichapuychis. Llapankuta tratay imaynatachus tratanasuykita munawaq jinata”, nispa.

 Jesusqa rimallarantaqmi imaymanayoq kayta munaymanta. Niranmi: “Jehová Diospa amigon kaymi aswan importante askha qolqeyoq kaymantaqa. Suwapas qolqeykitaqa suwanmanmi, ichaqa Dioswan amigontin kasqaykitaqa manan pipas suwanmanchu. Ama llakikuychu mijunaykimanta, ujanaykimanta, p’achakunaykimantapas. Qhawariy, phalaq animalkunata. Diosmi paykunaman mijuchin. Llakikuspaqa manan aswan unaytachu kausanki. Diosqa yachanmi imachus necesitasqaykita”, nispa.

Manan jayk’aqpas Jesuspa yachachisqanta jinaqa uyarirankuchu. Religionpi umalliqkunapas manan chhaynatachu yachachiranku. ¿Imaraykun Jesús allin yachachiq karan? Jehová Diospa nisqanman jina yachachisqanrayku.

“Yugoyta apaychis, jinaspa noqamanta yachaychis, jinan samakuyta tarinkichis; noqaqa llamp’u sonqon kani, k’umuykukuq sonqoyoqtaqmi kanipas” (Mateo 11:29)