Kichay leenaykipaq

Índice nisqaman riy

 76 WILLAKUY

Jesús templota limpian

Jesús templota limpian

Jesusmi Jerusalenta viajaran abril killapi kinsa chunka kaq watapi jina. Askha runakunan Pascua fiestaman jamuranku. Chay fiestapaqqa animalkunatan temploman apaqku Diosman jaywanankupaq. Wakinqa animalninkutan apaqku, wakintaq Jerusalenpi rantiqku.

Jesús temploman riqtinmi rikuran runakuna chaypi animalkunata vendeshasqankuta. ¡Diospa wasinpin negociota ruwasharanku! ¿Imatan Jesús ruwaran? Waskhamanta jasut’ita ruwakuspan templomanta qarqomuran ovejakunata wakakunatapas. Vendeqkunaq mesantapas t’ijrarpariranmi, chaymi qolqeqa pampapi  wisñirparikuran. Jesusmi paloma vendeqkunata niran: “¡Kaykunata orqoychis! ¡Papaypa wasinqa manan negociota ruwanapaqchu!”, nispa.

Runakunaqa admirakuranku Jesuspa ruwasqanwan. Jinan discipulonkunaqa yuyariranku Mesiasmanta profeciata. Chay profecian niran: “Anchatan Diospa wasinmanta sientesaq”, nispa.

Jesusqa 33 watapipas wajmantan templota limpiaran. Payqa manan munaranchu pipas Diospa wasinta sarunchananta.

“Manan atiwaqchischu Diostawan qhapaq kaykunatawan serviytaqa” (Lucas 16:13)