Kichay leenaykipaq

Índice nisqaman riy

 80 WILLAKUY

Jesús 12 apostolninkunata ajllan

Jesús 12 apostolninkunata ajllan

Jesús wata kuskanta jinaña predicashaspan juj importante decisionta ruwanan karan. Paywan kuska predicanankupaq, iñiq t’aqakunata umallinankupaq ima runakunata ajllanan karan. Chayta decidinanpaqmi Jehová Diospa yanapayninta necesitaran. Jinan orqoman rispa tutantin Diosmanta mañakuran. Tutamantantaq Jesusqa discipulonkunata juñuspa 12 apostolkunata ajllaran. ¿Yachankichu sutinkuta? Sutinkun karan: Pedro, Andrés, Santiago, Juan, Felipe, Bartolomé, Tomás, Mateo, Alfeoq wawan Santiago, Tadeo, Simón, Judas Iscariotepiwan.

Andrés, Pedro, Felipe, Santiago

Jinan paykunawan viajaran, predicayta yachachispataq kacharan paykunallamanta predicanankupaq. Diosmi atiyta qoran runakunamanta supaykunata qarqonankupaq, onqoyniyoqkunatapas qhaliyachinankupaq.

Juan, Mateo, Bartolomé, Tomás

Jesuspaqqa apostolninkunaqa amigonkunan karanku, confiarantaqmi paykunapi. Fariseokunaqa niranku apostolkuna  mana educasqa kasqankuta. Jesusmi ichaqa paykunata prepararan allinta llank’anankupaq. Paykunan Jesuspa ladonpi kananku karan manaraq Jesús wañupushaqtin, kausarisqan qhepamanpas. Yaqa llapankun Jesús jina Galileamanta karanku, wakintaq casado karanku.

Alfeoq wawan Santiago, Judas Iscariote, Tadeo, Simón

Apostolkunaqa pantaq runakunan karanku. Mayninpin mana allinta piensaspa rimaranku, mayninpitaq mana allinta decidiranku. Mana pacienciayoqmi karanku, discutirankutaq pichus aswan importante kasqanmanta. Chaywanpas paykunaqa Jehová Diostan munakuranku. Janaq pachaman Jesús ripuqtinmi paykunaqa Diospa llaqtanta umallinanku karan.

“Noqan ichaqa Yayaymanta tukuy imaymana uyarisqayta qankunaman willaykichis, chaymi ‘amigoykuna’ niykichis” (Juan 15:15)