Kichay leenaykipaq

Índice nisqaman riy

 70 WILLAKUY

Angelkuna Jesuspa nacesqanta willanku

Angelkuna Jesuspa nacesqanta willanku

Roma nacionmanta César Agusto reymi llapa judiokunata kamachiran llaqtankupi padronachikunankupaq. Jinan Josepas Mariapas Belén llaqtata riranku, Josepa familian chay llaqtamanta kasqanrayku. Mariaqa onqokunan patapiñan kasharan.

Belenman chayaqtinkun mana alojakunankupaq karanchu, chaymi uywakunaq wasinman jaykuranku. Chaypin Mariaqa Jesusta onqokuran. Jinan wawanta p’istuykuspa sumaqllata uywa qarana patapi churaran.

Belén llaqta qayllapin wakin michiqkuna uywankuta tuta cuidasharanku. Jinan juj ángel k’ancharispa ñaupankupi rijuriran. Michiqkunaqa sinchitan mancharikuranku, angelmi ichaqa niran: “Ama manchakuychischu. Sumaq noticiatan willasaykichis. Kunanmi Belenpi Mesías nacen”, nispa. Chayllamanmi askha angelkuna cielopi  rijurispa takiranku: “Janaq pachapi Diosta jatunchaychis. Allpapitaq thaj kausay kachun”, nispa. Chayta nispan chinkaripuranku. ¿Imatan michiqkuna ruwaranku?

Paykunapuran ninakuranku: “Kunanpacha jaku Belenta”, nispa. Usqhaytan riranku, jinaspa uywakunaq wasinpi tariranku Joseta, Mariata, chayllaraq naceq wawatawan.

Michiqkunaman angelpa willasqanta uyariq runakunaqa anchatan admirakuranku. Mariapas sonqonpin waqaycharan uyarisqanta, manataq jayk’aqpas qonqaranchu. Michiqkunaqa uywankuta cuidaqmi kutipuranku, Diostataq agradecekuranku rikusqankumanta uyarisqankumantawan.

“Noqaqa Diosmantan jamuni, chaymi kaypi kashani, manataqmi noqallamantachu jamuni, aswanpas paymi kachamuwan” (Juan 8:42)