Kay t’aqapin leesunchis griego simi qelqakunapi tarikuq willakuykunamanta. Kaypin yachasun Jesusmanta, juch’uy llaqtapi wajcha familiapi nacesqanmanta, papanta carpinteriapi yanapasqanmantawan. Jehová Diosmi Jesusta ajllarqan gobiernonpi rey kananpaq, chhaynapi runakunata salvananpaq. Diosqa payta munakuq familiatan ajllarqan Jesusta uywanankupaq. Jinaspapas Diosmi wawanta pakaykurqan rey Herodes wañuchinanmanta. Diospa munaynin junt’akunantaqa manan imapas jark’anqachu. Diosmi Juanta ajllarqan Jesusta chaskinankupaq runakunata yanapananpaq. Jesusqa wawa kasqanmantapachan Diospa yachachikuyninta  munakurqan. Sichus wawakunayoq kanki chayqa, chaykunata paykunaman entiendechiy.