Kichay leenaykipaq

Índice nisqaman riy

 64 WILLAKUY

Daniel leonkunaq t’oqonpi

Daniel leonkunaq t’oqonpi

Babiloniapin Darío runañataq rey karan. Paypas repararanmi Danielqa yachayniyoq kasqanta, jinan umalliqkunata umallinanpaq churaran. Umalliqkunan ichaqa Danielmanta envidiakuspa wañuchiyta munaranku. Yacharankun Danielqa Jehová Diosman p’unchaypi kinsa kutita mañakusqanta, chaymi Dariota niranku: “Reyniyku juj kamachikuyta churay llapa runakuna qanllaman mañakunankupaq. Mana kasukuqtataq leonkunaq t’oqonman wijch’uykuchunku”, nispa. Jinan Darioqa chay kamachikuyta churaran.

Danielqa yacharusqan chay kamachikuymanta, jinan wasinman rispa qonqorikuspa Jehová Diosmanta mañakuran ventananta kichaspa. Umallikunataq Danielpa wasinman jaykuspanku rikuranku Danielpa mañakusqanta. Chaymi Dariota niranku: “Danielqa manan kasukusunkichu, p’unchaypin kinsa kutita Diosninman mañakun”, nispa. Darioqa munakuranmi Danielta manataqmi munaranchu wañuchinankuta. P’unchaynintinmi piensaran imayna salvananpaq, ichaqa manan paypas firmasqan leytaqa cambiayta atiranchu. Chaymi kamachiran leonkunaq t’oqonman wijch’uykunankupaq.

 Chay tutan Darioqa llakikuspa mana puñuyta atiranchu. Tutamantantaq leonkunaq t’oqonman rispa alto kunkawan niran: “¡Daniel! ¡¿Salvarasunkichu Diosniyki?!”, nispa.

Danielmi kutichimuran: “Jehová Diospa angelninmi leonkunaq siminta wisq’aran mana mijuwanankupaq”, nispa. Darioqa anchatan kusikuran, jinan kamachiran Danielta orqonankupaq. Leonkunaqa manan imanasqakupaschu. Chay qhepamanmi reyqa kamachiran: “¡Danielta cheqnikuq runakunata leonkunaq t’oqonman wijch’uykuychis!”, nispa. Jinan leonkunaqa kaqpacha mijupuranku.

Darion llaqtata kamachiran: “Llapaykichis Danielpa Diosninta respetaychis. Paymi leonkunamanta salvaran”, nispa.

Qanri, ¿Daniel jinachu Jehová Diosmanta sapa p’unchay mañakunki?

“Jehová Diosqa yachanmi pay sonqo runakunata pruebamanta librayta” (2 Pedro 2:9)