Kichay leenaykipaq

Índice nisqaman riy

 5

¿Imamantan Biblia willan?

¿Imamantan Biblia willan?
IMAYNA LLOQSINANPAQ

Jehová Diosqa derechonpin kashan kamachinanpaq, kamachikuyninqa allinpunin. Kay hallp’apaq runakunapaqpas munasqantaqa hunt’anqan.

4026 watapi hina m.J.h.

“Mach’aqway” otaq Satanás, Diospa imayna kamachisqanta, kamachinanpaq derechontawan iskayachin. Jehová Diosmi prometen huk “miray” hamuspa Satanasta wañuchinanpaq (Génesis 3:1-5, 15). Ichaqa huk tiempon hinallata qhawan Satanaspa yanapayninwan runakunaq kamachikunanta.

1943 wata m.J.h.

Jehová Diosmi Abrahamman prometen familianmanta prometesqa “miray” hamunanta (Génesis 22:17, 18).

1070 watapi hina m.J.h.

Jehová Diosmi Davidman Salomonmanpas prometen familianmanta prometesqa “miray” hamunanta (2 Samuel 7:12, 16; 1 Reyes 9:3-5; Isaías 9:6, 7).

29 wata J.h.q.

Jehová Dios willan Jesús prometesqa “miray” kasqanta, Davidpa rantinpi kamachikunantawan (Gálatas 3:16; Lucas 1:31-33; 3:21, 22).

 33 wata J.h.q.

‘Mach’aqwaymi’ Jesusta wañuchin, chhaynapi prometesqa ‘mirayta’ k’irin. Jehová Diosmi Jesusta kawsarichispa hanaq pachaman apapun, ch’uya kawsaynintataq chaskin. Chaywanmi runakunaq huchanta pampachan, wiñay kawsaytapas qoyta atin (Génesis 3:15; Hechos 2:32-36; 1 Corintios 15:21, 22).

1914 wata J.h.q.

Jesusmi “mach’aqwayta” kay pachaman wikch’umun chaypi pisi tiempo kananpaq (Apocalipsis 12:7-9, 12).

Hamuq tiempopi

Jesusmi Satanasta waranqa watapaq wisq’anqa, chay qhepamantaq wiñaypaq wañuchinqa. Chayta ruwaspan umanta sarunqa. Chhaynapin hallp’apaq runakunapaqpas imachus Diospa munasqan hunt’akunqa, Diospa sutin ch’uyanchakunqa, paylla allin kamachiq kasqantapas sut’iman horqokunqa (Apocalipsis 20:1-3, 10; 21:3, 4).