Kichay leenaykipaq

Índice nisqaman riy

 CRISTIANO KAUSAYNINCHIS

Predicanapaq yanapaykuna: Bibliamanta yachay munaqta invitay juñunakuykunaman

Predicanapaq yanapaykuna: Bibliamanta yachay munaqta invitay juñunakuykunaman

IMARAYKUN ALLINPUNI: Juñunakuykunaqa yanapawanchismi Jehová Diosman sapa semana takinanchispaq alabananchispaq ima (Sal. 149:1). Chaypin yachanchis Diospa munaynin ruwayta (Sal. 143:10). Bibliamanta yachay munaqkunapas estudiantekunapas juñunakuyman jamuspaqa ratollan iñiyninkupi wiñanku.

IMAYNATAN RUWASUNMAN:

  • Manan Bibliata estudiaytaraqchu ñaupaqtaqa qallarinan, aswanpas ñaupaqtaraqmi invitananchis (Apo. 22:17).

  • Bibliamanta yachay munaq runaman explicay imayna juñunakuyninchis kasqanta, imamanta jamuq semanapi rimakunqa chaykunamanta. Yanapachikuy juñunakuypaq invitacionwan, ¿Imaynatan huñunakuyniyku aparikun? nisqa videowan, Diospa munayninta nisqa folletopi 5, 7 leccionkunawan ima.

  • “Yanapasayki” niy. Yaqapaschá ima carropi rinanta ima p’achawan rinanta yanapawaq. Juñunakuypitaq paywan kuska tiyay jinaspa ima qelqa estudiakushasqanta qhawachiy. Iñiq t’aqapi juj hermanokunaman presentay.