Kichay leenaykipaq

Índice nisqaman riy

 CRISTIANO KAUSAYNINCHIS

Predicanapaq yanapaykuna: Jujmanta kutiy

Predicanapaq yanapaykuna: Jujmanta kutiy

¿IMARAYKUN ALLINPUNI? Diospa gobiernonmanta interesakuq askha runakunan Diosmanta cheqaq kaqta yachayta munanku (Is. 55:6). Allinta yachanankupaqqa askha kutitan kutinanchis. Runakunaqa imaymana problemakunapin tarikunku, chaymi interesakunankupaqqa yachay munasqankumanta rimapayananchis. Chaypaqmi yanapawasun sapanka visitapaq allinta preparakuy, Bibliamanta cursota qallariy yuyaywan.

¿IMAYNATAN RUWAWAQ?

  • Usqhaylla kutiy, yaqapaschá chay p’unchaykunalla (Mat. 13:19).

  • Sumaqllata llamp’u sonqowan rimapayay.

  • Sumaqta sutinmanta napaykuspa qallariy. Willay imarayku kutisqaykita, yaqapaschá juj tapuyta kutichinaykipaq, chayllaraq lloqsimuq revistata apanaykipaq, internetpi direccionninchismanta rimapayaq otaq Bibliamanta curso imayna apakusqanta rikuchinaykipaq. Sichus juj asuntomanta preocupasqa kashan chayqa, chayman jina imachus rimanaykita cambiay (Filip. 2:4).

  • Sonqonpi tarpusqayki mujuta qarpay juj textowan otaq juj qelqawan (1 Cor. 3:6). Kallpachakuy visitasqayki runawan amistadta armanaykipaq.

  • Tapuyta saqey kutinaykipaq.