Kichay leenaykipaq

Índice nisqaman riy

 CRISTIANO KAUSAYNINCHIS

¿Imaynatan utilizana Imatapunin libromanta pisiyachisqa mosoq librota?

¿Imaynatan utilizana Imatapunin libromanta pisiyachisqa mosoq librota?

What Can the Bible Teach Us? (quechua simipiqa manaraqmi lloqsimunchu) nisqa libroqa Imatapunin libromanmi rijch’akun. Iskaynin librokunan kaqllata yachachinku kaq ordenllapitaq. ¿Sasatachu estudianteyki Imatapunin librota entienden? Chhayna kaqtinqa, mosoq libroq imayna yachachisqanqa fácil entiendeyllan kashan. Libroq tukuyninpin apéndice nisqaq rantinpi notakuna kashan, chaypin fácil entiendey explicacionkuna kashan capitulokunapi rijuriq wakin palabrakunamanta otaq yachachikuykunamantapas. Capitulokunapiqa manan kanchu qallariy tapuykuna nitaq kutipanapaq recuadropas. Aswanpas rantinpin sapanka capitulopi kashan Bibliapi cheqaq yachachikuykunamanta pisillapi willakuy. Imaynan Imatapuni librowan ruwanchis jinatan kay librotapas tukuy tiempo munachisunman, jinaña chay killapi juj qelqata munachikushanman chaypas. ¿Imaynatan chay librota utilizasunman estudiota qospa?

PISILLAPI YACHACHIKUYKUNA. Imatapunin librowan estudiaspaqa yaqa llapa runakunan parrafota leespa tapuyta kutichinqaku. Ichaqa, ¿imatan ruwawaq estudiante mana chay simita allintachu rimaqtin otaq mana allintachu leeqtin? Chhayna kaqtinqa, mosoq librotan utilizawaq. Sapanka capituloq tukuyninpin pisillapi yachachikuy kashan, chaytan 15 minutopi jina estudiawaqchis; chaymantataq estudianteta animawaq capitulota payña leenanpaq. Pisillapi yachachikuy partepiqa wakillanmantan rimashan, chayraykun chay leccionta allinta preparakunayki, jinaspapas reparanaykin estudiante imaynapi tarikusqanta. Juj capitulota estudiaqtiykichisqa, pisillapi willakuytan utilizawaq kutipanaykichispaq.

EXPLICASQA WILLAKUYKUNA. Willakuykunapi rijuriq palabrakuna juj yachachikuykunapas capitulokunapi rijurimusqanman jinan ordenpi kashan. Publicadorñan decidinman sichus estudiashaspa chay willakuykunatawan t’aqwinqaku chayta.