Bibliamanta estudiota munachinapaqmi tawa videokuna kashan. ¿Imamantan chay videokunapi willashan, imaynatan chaykunawan Diosmanta willashaspa yanapachikusunman?

• ¿Imaraykun Bibliata estudianayki? (junt’asqa video). Kay videoqa ruwasqa kashan runakuna ima religionniyoqña kaspapas Bibliamanta astawan yachayta munanankupaqmi. Willashanmi importante tapuykunamanta Bibliapi rimashasqanta, jinaspa juj tapuyta kutichishan. Tukuyninpitaq invitashan Bibliamanta estudiota mañakunankupaq.

• ¿Imaraykun Bibliata estudianayki? (pisiyachisqa video). Chay videoqa yaqa igual-llan ñaupaq kaq videowan, ichaqa juj minutopi qhawanapaq jinallan, chaymi allinpuni mana tiempoyoq runakunaman qhawachinanchispaq.

• ¿Imaynatan Bibliamanta yachachiyku? Chay videoqa willashanmi imaynatachus Bibliamanta gratislla yachachisqanchista, jinaspa runakunata yanapan chay cursota mañakunankupaq.

• Allinpuni Bibliamanta yachay munasqaykiqa. Chay videoqa ruwasqa kashan pikunachus Biblia estudiayta qallarishanku paykunapaqmi. Chay videotaqa qhawachillasunmantaqmi Kusisqa kausay folletomanta mayqen yachachikuytapas yachachishaspa. Chay videopin willashan Kusisqa kausay libropi imakunamantachus yachananmanta, imaynatachus yachachisqanchismantapas.

Sapanka videopas allin ruwasqan kashan runakunata yanapanapaq, chaymi mayqen videotapas qhawachisunman otaq celularninkuman apachisunman. Kallpachakuy chay videokunamanta allinta yachanaykipaq, chaykunawan allinta runakunaman willanaykipaqpas.