Kichay leenaykipaq

Índice nisqaman riy

 CRISTIANO KAUSAYNINCHIS

Jehová Diospa ch’uya kamachikuyninkunata defiendey

Jehová Diospa ch’uya kamachikuyninkunata defiendey

Jehová Diosmi churan ch’uya kausaymanta kamachikuykunata. Ejemplopaq, paymi kamachin matrimoniopiqa qhariwan warmiwan tiyanankuta (Mat. 19:4-6, 9). Tukuy clase qhelli juchakunatan juchachan (1 Cor. 6:9, 10). Kallantaqmi imaynata p’achakunapaq allichakunapaq yachachikuyninkuna, chaykunan Diospa siervonkunata sapaqchan juj runakunamanta (Deut. 22:5; 1 Tim. 2:9, 10).

Kay tiempopiqa askha runakunan Diospa kamachikuyninkunata mana aceptankuchu (Rom. 1:18-32). Kay pachapi runakunaq p’achakusqankuman, allichakusqankuman, comportakusqankuman jinallan kausanku. Jatunchakunkun qhelli kausaypi purisqankumanta, paykunamanta jujnirayta kausaqkunatataq criticanku (1 Ped. 4:3, 4).

Jehová Diospa testigonkunaqa difiendenanchismi ch’uya kamachikuyninkunata (Rom. 12:9). ¿Imaynatan ruwasunman? Sumaqllatan respetowan explicananchis Diospa sonqonpaq jina kaq ruwaykunata, kamachikuyninkunaman jinataqmi kausananchis. Ejemplopaq, imayna allichakunanchista p’achakunanchista ima decidinanchis kaqtinqa tapurikunanchismi: Imatapas ajllakuspay, ¿Jehová Diospa kamachikuyninkunatachu kasukushani icha kay pachaqtachu? ¿Rikuchinchu imayna allichakusqay Diospa siervon kasqayta? Otaq ima programatapas peliculatapas qhawananchis kaqtin, piensananchis allinpaqchus Dios qhawarinman chaypi, imayna comportakuymanmi apawanchis chaypipas. Reparananchismi sichus juj kusirikuy ajllasqanchis iñiyninchispi pisipachiwasunman chayta (Sal. 101:3). Chaymantapas, ¿imaynatan familianchista juj runakunatapas afectanqa? (1 Cor. 10:31-33).

¿Imaraykun ancha importante Diospa kamachikuyninkunata defiendey? Jesucriston tukuchinqaña nacionkunata jinallataq tukuy mana allin kausayta, Diosta kasukuqkunallan salvakunqaku (Ezeq. 9:4-7; 1 Juan 2:15-17). Chhaynaqa ama manchakuspa defiendesun Diospa ch’uya kamachikuyninkunata, ajinapi allin conductanchista qhawarispa Diosta jatunchanankupaq (1 Ped. 2:11, 12).

¿Ima ninmi ch’uya kausayniymanta imayna p’achakusqay imayna allichakusqaypas?

JEHOVÁ DIOSPA AMIGON KAY: DIOSQA QHARITA WARMITAWANMI KAMARAN NISQA VIDEOTA QHAWASPA QATIMUQ TAPUYKUNATA KUTICHIY:

  • ¿Imaraykun kasukuna Diospa kamachikuyninkunata?

  • ¿Imaraykun tayta-mamakuna wawankuta juch’uyninkumantapacha Diospa kamachikuyninta yachachinanku?

  • ¿Imaynatan wayna-sipaskuna kuraqkunapas runakunata yanapankuman Diospa sumaq sonqo kayninmanta beneficiakunankupaq?