Jehová Diosqa yanaparanmi Israelpi wajcha runakunata. ¿Imaynatan kay tiempopipas wajcha hermanonchiskunata yanapan?

• Allin yuyaywan imaymanayoq kayta qhawarinankupaqmi yanapan (Luc. 12:15; 1 Tim. 6:6-8).

• Rikuchinmi paykunaqa ancha valorniyoq kasqankuta (Job 34:19).

• Yachachinmi allin llank’aq kanankupaq, ima viciotapas saqepunankupaq (Prov. 14:23; 20:1; 2 Cor. 7:1).

• Khuyapayakuq llaqtanmanmi paykunata pusamushan yanapayta chaskinankupaq (Juan 13:35; 1 Juan 3:17, 18).

• Willanmi jamuq tiempopi sumaq kausayta chaskinankuta (Sal. 9:18; Isa. 65:21-23).

Imaymana llakikuykunapiña tarikusunman chaypas manan nishutaqa llakikunanchischu (Isa. 30:15). Sichus Jehová Diosta ñaupaqta servisun chayqa, imachus necesitasqanchistaqa qowasunpunin (Mat. 6:31-33).

MUNAKUYQA MANA JAYK’AQ TUKUKUQMI WAJCHA KAQTINCHIS (CONGO) NISQA VIDEOTA QHAWASPA, KAY TAPUYKUNATA KUTICHY:

• ¿Imaynatan iñiqmasinchiskuna karu llaqtakunamanta asambleman jamuqkunata sumaqta chaskinku?

• ¿Imatan Jehová Diosmanta kay videopi yacharanchis?

• Wajchaña kaspapas, ¿imaynatan Jehová Diospa ruwasqanta jina ruwasunman?