Chajrapi llank’aqkunaqa manan qhepata qhawananchu wachukuna recto lloqsinanpaqqa. Cristianokunapas manan kay mundopi saqesqanchiskunata qhawananchischu, qhepatapas qhawashasunman jinataqa (Filip. 3:13).
Ima problemakunapipas tarikuspaqa faciltan qonqarapusunman Jehová Diospa qowasqanchiskunata. Jinaspa mana allinkunapi tarikusqallanchispi piensasunman manataq allin kaqkunapichu. Chaytan israelitakunapas ruwaranku Egiptomanta lloqsimusqanku pasayta (Núm. 11:5, 6). Sichus nishuta chaykunallapi piensasun chayqa ñaupa kausayninchismanmi kutiripusunman. Chaymi allinpuni kunan sumaq bendicionkuna chaskisqanchispi piensay, jamuq tiempo bendicionkuna chaskinanchispiwan (2 Cor. 4:16-18).
