Kichay leenaykipaq

Índice nisqaman riy

 CRISTIANO KAUSAYNINCHIS

Runakuna Jesuspa discipulon kanankupaqqa predicananchis yachachinanchis iman

Runakuna Jesuspa discipulon kanankupaqqa predicananchis yachachinanchis iman

Jesusmi qatikuqninkunata kamachiran: “Riychis, jinaspa yachachimuychis discipuloykuna kanankupaq”, nispa (Mat. 28:19). Chay kamachikuyta kasukunapaqqa predicananchis yachachinanchis iman. Chaymi mayninpi kayta tapukunanchis: “¿Imaynatan mejorayman discípulo ruway llank’aypi?”

PREDICASPA

Runakuna noqanchisman qayllaykamunanmantaqa, noqanchismi Bibliamanta yachachikuyta chaskikuqkunaman predicananchis (Mat. 10:11). Predicaspaqa, tukuy tiempotan aprovechananchis ‘mercado plazapi purishaqkunamanpas’ predicananchispaq (Hech. 17:17). Lidiapas apóstol Pablo mana samaspa predicasqanraykun Jesuspa qatikuqninman tukupuran (Hech. 16:13-15).

“Tutamanta mujuykita tarpuy, ch’isinkamapas llank’ashallaypuni” (Ecl. 11:6)

“MANA SAMASPA” PREDICASHALLASUN: MAYPIÑA KASHASPAPAS, WASIN-WASINTA NISQA VIDEOTA QHAWACHISPA, KAY TAPUYKUNAMAN KUTICHIY:

  • ¿Imaynatan Samuel kallpachakuran tukuy tiempo cheqaq kaq mujuta tarpunanpaq?

  • Kallpachakunanchismi imaymana formapi predicananchispaq, ¿imarayku?

  • ¿Pikunamanmi Diospa gobiernonmanta predicayman sapa p’unchay ima ruwasqaypipas?

YACHACHISPA

Runakuna Jesuspa discipulon kanankupaqqa, manan qelqakunallatachu repartinanchis. Runakuna iñiyninkupi wiñanankupaqqa jujmantan kutinanchis Bibliamanta estudiota qonanchispaq (1 Cor. 3:6-9). ¿Sichus pitapas yachachinanchispaq kallpachakusqanchis yanqapaq chayri? (Mat. 13:19-22.) Maskhashanallanchismi ‘Diospa siminta uyarispa allinta entiendeq runakunata’ (Mat. 13:23; Hech. 13:48).

“Noqan plantarani, Apolostaq qarparan, ichaqa Diosmi wiñachiqqa” (1 Cor. 3:6)

“MANA SAMASPA” PREDICASHALLASUN: RUNAKUNAQ KASQANPI, JESUSPA DISCIPULON KANANKUPAQ NISQA VIDEOTA QHAWACHISPA KAY TAPUYKUNAMAN KUTICHIY:

  • ¿Imaynatan Salomonwan Marywan Ezequielpa Abigailpa sonqonpi muju tarpusqata qarparanku?

  • ¿Imapaqmi predicanchis runakunaq kasqanpi jinallataq juj formakunapipas?

  • ¿Imatan mayninpi ruwananchis predicay yachachiypas importante kasqanta rikuchinanchispaq?