9 TAPUY
¿Creenaychu “evolución” nisqapi?
¿IMATAN RUWAWAQ?
Alexmanta yachasunchis. Payqa juch’uychanmantapachas Diospi iñisqa. Colegionpis ichaqa juj profesornin clasenpi yachachin “evolución” nisqamanta. Chay profesorpa nisqanman jinaqa, cheqaqsi chay yachachikuyqa, científico runakunapas chhaynatas ninku. Chaysi Alexqa piensayta qallarin: “Allin yachaq runakunapas creenkutaq evolucionpi chayqa, ¿pitaq noqari kani ‘manan chhaynachu’ ninaypaq?” nispa.
Alex kaspa, ¿creewaqchu “evolución” nisqapi? ¿Wakin librokuna chaymanta yachachisqanraykuchu chaypi creewaq?
¡ÑAUPAQTA PIENSAYKUY!
Diospi creeqkunapas evolucionpi creeqkunapas askhan mana yachankuchu imaraykus imapipas creenku chayta.
-
Wakinqa imatachus iglesiankupi yacharanku chayraykullan Diospi creenku.
-
Wakin evolucionpi creeqkunapas imatachus escuelankupi yacharanku chayraykullan evolucionpi creenku.
PIENSANAPAQ SOQTA TAPUYKUNA
Biblian nin: “Lliu wasipas runaq ruwasqanmi, tukuy iman ichaqa Diospa ruwasqan”, nispa (Hebreos 3:4). ¿Ima niwaqtaq chaymanta?
¿Yanqallamantachu chay wasi rijurimunman karan? Manan ¿riki? Chhaynallataqmi tukuy imapas mana yanqallamantachu rijurinman karan. Diospunin tukuy imatapas kamaran.
WAKINMI NINKU: “Tukuy imapas mana imallamantan paqariran ‘big bang’ nisqa kaqtin”, nispa.
1. ¿Pin chay “big bang” nisqata qallarichiran?
2. ¿Yanqallamantachu chay kanman karan? ¿Icha pichu chayta qallarichinman karan?
WAKINMI NINKU: “Runaqa animalkunamantan jamunchis”, nispa.
3. Sichus animalkunamanta jamusunman karan chayqa, ¿imanaqtintaq animalkunaq yachayninri mana imallapipas igualanchu runaq yachayninman?
4. Juj celulallayoq kausaq kuruchakunapas, ¿imanaqtintaq admirakunapaq jina ruwasqa kashanku?
WAKINMI NINKU: “‘Evolución’ nisqaqa cheqaqmi”, nispa.
5. Chhaynata niqkuna, ¿allintachu chay yachachikuyta estudiankuman karan?
6. Askhan evolucionpi creenku “allin yachaq runakunan chaypiqa creenku” nispa rimaqta uyarisqankuraykulla. ¿Ima niwaqtaq chaymanta?
Julia sipasmi nin: “Campopi purishaspa juj munay wasita tariwaq chayri, ¿ima niwaqtaq? ¿‘Sach’akuna urmaqtinchá kikichallan chay wasiqa ruwakuran’ nispachu niwaq? Manan ¿riki? Tukuy imapas manapunin kikillanmantaqa paqarinmanchu karan”, nispa.
Vilma sipasmi nin: “Awer librokuna ruwana fabricapi jap’isqanku tinta phatarunman, jinaspa lliuman ch’eqerinman. ¿Chaywanchu juj diccionario ruwakunman? Manan ¿riki?”, nispa.
¿IMANAQTINMI DIOSPI IÑINKI?
Biblian nin: ‘Tukuy yuyayniykichiswan Diosta serviychis’, nispa (Romanos 12:1). Chhaynaqa Diospiqa creenayki manan:
-
YANQA CREESPALLACHU (“Kanyá Diosqa” nispallachu).
-
JUJKUNARAYKULLACHU (“Lliumi Diospi creenku” nispachu).
-
MAT’IPAYASQA KASQAYKIRAYKUCHU (“Tayta-mamaymi Diospi creenayta munanku” nispachu).
Aswanpas allintan yachanayki imaraykus Diospi creenki chayta.
Teresan nin: “Anchatan admirakuni runaq cuerpon imayna kasqanmanta, chaymi profesorniy chaymanta yachachimushaqtinqa astawan convencekuni Diospuni kamawasqanchismanta. Cuerponchispi llapa partechankunapas admiranapaq jinan llank’an, chaymi anchatapuni admirakuni cuerponchispi piensaspa”, nispa.
Julion nin: “Imaynan wasikuna, barcokuna, carrokunapas mana kikillanmantachu rijurimuran, chhaynallataqmi runakunapas mana kikillanchismantachu paqarimuranchis. Awer carrokunapi piensasun. Carro funcionananpaqqa llapa partenkunan allinta tupanan ¿riki? Chhaynallataqmi runakunapas kanchis”, nispa.
Antonion nin: “‘Ciencia’ nisqata astawan estudiaspaymi astawan reparakuq kani ‘evolución’ nisqaqa yanqa kasqanta [...]. Qhawarisqayman jinaqa, mana rikuna Diospi creeymantapas aswan sasaraqmi evolucionpi creeyqa”, nispa.
ALLINTA PIENSAYKUY
Científico runakunaqa unayñan “evolución” nisqata estudiashanku, chaywanpas paykunaqa manan rimayninkuta tupachinkuchu. Paykuna allin yachaq kashaspanku mana acuerdopichu kanku chayqa, ¿imanaqtintaq “evolución” nisqapiri creewaq?
Astawan yachanaykipaq
WAYNA-SIPASKUNA RIMANKU
¿Imaraykun Diospi iñinki?
Iskay wayna-sipaskuna iskayarqankuña chaypas kallpachakurqankun iñiyninkuta wiñachinankupaq.
