Miqueas 4:1-13
4 Tukukuy p’unchaykunapinJehová Diospa wasin orqoqa+ allin sayachisqa kanqa,llapa orqokunamantapas aswan jatunmi kanqa,moqokunamanta aswan altopin kanqa,chaymanmi llaqtakuna jamunqaku.+
2 Askha nacionkunan pusanakamunqaku:
“Jaku Jehová Diospa orqonman seqasun,Jacobpa Diosninpa wasinman wichasun.+
Paymi ñanninkunata reqsichiwasun,noqanchistaq chay ñanninkunata purisun”, nispa.
Sionmantan kamachikuy* lloqsimunqa,Jerusalenmantan Jehová Diospa simin lloqsimunqa.
3 Paymi askha llaqtakunaq jueznin kanqa,+karupi kaq atiyniyoq nacionkunaq churanakuynintapas chaninchanqan.
Espadankumantan yapuna* rejakunata ruwakapunqaku,lanzankumantan ichhunakunata ruwakapunqaku.+
Manañan juj nacionqa juj nación contra jatarinqañachu,manañan maqanakuytapas yachanqakuñachu.+
4 Sapankankun uvas sach’anku k’uchupi, higos sach’anku k’uchupi tiyaykunqaku,+manan pipas paykunataqa manchachinqachu.+
Ejercitokunata kamachiq Jehová Diosmi* chayta nin.
5 Llapa llaqtakunan diosninkuq sutinpi purinqaku,noqanchismi ichaqa Jehová Diosninchispa sutinpi+ wiñay-wiñaypaq purisunchis.
6 Jehová Diosmi nin:
“Chay p’unchaymi noqaqa wist’uta oqarisaq,ch’eqesqa kaqtan juñusaq,+k’irisqay runakunatawan kuskatan juñusaq.
7 Wist’ukunamanta puchuqkunatan qhepachisaq,+karuman apasqakunatan atiyniyoq nacionman tukuchisaq.+
Noqa Jehová Diosmi Sion orqomantapacha paykunata kamachisaq,kunanmantapachan wiñay-wiñaypaq kamachisaq.
8 Tropata cuidaq torre,Sion llaqtaq moqo patan,+qanmanmi kutimunqa ñaupaq kaq munaychakuy,+Jerusalén llaqtaq kamachikuyninmi kutimunqa.+
9 ¿Imaraykun chhaynaniraqta qaparishanki?
¿Manachu reyniyki kan, icha yuyaychaqniykichu wañupun?
¿Chaychu nanaywan jap’ichikuq onqoq warmi jina qaparishanki?+
10 Sion llaqta, q’ewikachakuy, waqay,onqokuq warmi jina qapariy.
Kunanqa llaqtamantan ripunki, campopin tiyanki.
Babilonia llaqtakaman chayanki,+chaypin librasqa kanki.+
Chaypin Jehová Diosqa enemigoykikunaq makinmanta kacharichisunki.+
11 Askha nacionkunan qan contra juñusqa kanqa,paykunan ninqaku: Sion qhellichasqa kachun,chayta ñawinchis rikuchun, nispa.
12 Paykunan ichaqa mana yachankuchu imatachus Jehová Dios yuyaykushan chayta,manan yachankuchu imatachus ruwayta munashan chaytapas.
Chayllaraq rutusqa marq’ay-marq’ay trigota jinan eraman* juñusaq.
13 Sion llaqta, sayariy, erata saruy.+
Waqraykikunatan fierroman tukuchisaq,phapatuykikunatan cobreman tukuchisaq,askha llaqtakunatan saruspa ñut’unki.+
Mana allinta ruwaspa imapas tarisqankutaqa Jehová Diosmanmi qopunki,ima kaqninkutapas pachantinpa Señorninmanmi qopunki”,+ nispa.
Uraypi willakuykuna
^ Chaypiqa “yachachikuy” nillanmantaqmi.
^ Yapuytaqa “chajmay, aray” nillankutaqmi.
^ Qhaway Explicasqa simikuna nisqapi “Ejercitokunata kamachiq Jehová Dios” nisqata.
^ Era patataqa “wayrachina pata” nillankutaqmi.
