Jueces 5:1-31
5 Chay p’unchaymi Deboraqa+ Abinoanpa churin Baracpiwan+ takirqan:+
2 “Kacharisqa chujchayoq* Israel soldadokunarayku,Israel runakuna paykunallamanta guerraman risqankurayku,+¡Jehová Diosta jatunchaychis!
3 ¡Uyariychis reykuna! ¡Uyariychis gobiernaqkuna!
Jehová Diosmanmi takisaq.
Jatunchay takikunawanmi Israelpa Diosnin+ Jehová Diosta alabasaq.+
4 Jehová Diosníy, Seirmanta+ lloqsimushaqtiykiqa,Edom jallp’amanta puririmushaqtiykiqa,pampakunan chhafchirikurqan, cielokunan ch’aqchurikamurqan,phuyukunan sut’urimurqan.
5 Orqokunan chullurirqan* Jehová Diospa uyanta rikuspa,+Sinaí orqopas chullurirqanmi Israelpa Diosnin+ Jehová Diosta rikuspa.+
6 Anajpa churin Sangarpa+ p’unchayninkunapiqa,Jaelpa+ p’unchayninkunapiqa, ch’inmi ñankunaqa kaq.
Viajaqkunapas juj ladontan puriqku.
7 Israelpiqa manañan kapurqanchu juch’uy llaqtachakunaqa.
Manañan imapas karqanchu, chaypachan noqa Débora+ jatarimurqani.
Chaypachan Israelpa maman jina jatarimurqani.+
8 Paykunaqa waj dioskunatan ajllakurqanku;+chaymi llaqta punkukunapi guerra kaq.+
Tawa chunka waranqa Israel runakunaqqa manan ima jark’apakuna escudonkupas kaqchu,manan juj lanzankupas kaqchu.
9 Sonqoyqa Israel ejercitopi umallikunawanmi kashan;+paykunan kikillankumanta guerraman rirqanku.+
¡Jatunchasqa kachun Jehová Diosqa!
10 Q’elluniraq asnokunapi puriqkuna,allin tejesqa telakunapi tiyaqkuna,jatun ñankunapi puriqkuna,¡Diospa tukuy imaymana ruwasqankunapi piensaychis!
11 Unu orqonapin uyarikurqan unu orqoqkunaq rimasqanku;Jehová Diospa tukuy imaymana ruwasqanmantan rimarqanku,Israel runakunaq chanin ruwasqankunatan rimarqanku.
Jinan Jehová Diospa llaqtanqa llaqta punkukunaman jaykumurqan.
12 ¡Rijch’ariy, jatariy Débora!+
¡Rijch’ariy, sayariy, juj takita takiy!+
Abinoanpa churin Barac,+ ¡sayariy! ¡Presoykikunata apay!
13 Puchuqkunan kamachikuqkunaq kasqanman jaykumurqan;
Jehová Diospa llaqtanmi atiyniyoqkunawan maqanakuq jaykumurqan.
14 Benjamín, Efraín runakunan wayq’opi kasharqan,paykunan runaykikunaq qhepanta jamurqan.
Makirmantan+ jamurqan comandantekuna,Zabulonmantataq ejercitopaq runa juñuqkuna.
15 Isacarpi umallikunaqa Deborawanmi kasharqan.
Baracpas+ Isacar jinan karqan.
Wayq’omanmi chakillapi kachasqa karqan.+
Rubén runakunaqa sonqonkupin iskayarqanku.
16 ¿Imaraykun iskay alforja chaupipi tiyaykurqanki?
¿Imaraykun ovejakunapaq flauta* tocaqta uyarispa tiyaykurqanki?+
Rubén runakunaqa sonqonkupin iskayarqanku.
17 Galaadqa Jordán mayu chimpapin qhepakurqan;+Danri, ¿imaraykutaq barconkunawan qhepakurqan?+
Aserqa qella kaypin lamar-qocha patapi tiyaykurqan,barcokunaq chayananpin tiyaykurqan.+
18 Zabulonqa wañuytapas mana manchakuspan guerraman rirqan;Neftalipas+ mana manchakuspan orqokunapi maqanakurqan.+
19 Tanacpin, Meguidó+ unu cercapin,reykuna juñukuspa Israel contra maqanakurqanku.
Canaán reykunan chaypi maqanakurqanku.+
Manan ima qolqetapas apayta atirqankuchu.+
20 Cielomantapachan ch’askakuna maqanakamurqan;ñanninkumantan Sisarawan maqanakamurqanku.
21 Cisón mayun paykunata aparqan;+ñaupa tiempo Cisón mayun millp’urqan.
Noqan atiyniyoqkunata sarurqani.
22 Caballokunan sinchi manchaytaraq phawarqanku;chakinkunaq kununusqanraqmi uyarikurqan.+
23 Jehová Diospa angelninmi nin: Merozta ñakaychis,Merozpi tiyaqkunata ñakaychis.
Paykunaqa manan Jehová Diosta yanapaq jamurqankuchu;manan atiyniyoq maqanakuqkunawan Jehová Diosta yanapaq jamurqankuchu, nispa.
24 Llapa warmikunamanta Jael+ aswan jatunchasqa kachun,quenita runa Heberpa+ warmin alabasqa kachun.
Karpakunapi tiyaq llapa warmikunamantapas aswan jatunchasqa kachun.
25 Sisaran unuta mañakurqan, Jaeltaq lecheta qorqan;jatun p’ukupin llujllu lecheta* qorqan.+
26 Lloq’e makinwanmi karpa estacata jap’irqan,paña makinwantaq martillota jap’irqan.
Sisaratan estacawan takarqan, umantan t’oqorqan;umantan p’akirqan, umantan pasachirqan.+
27 Jaelpa ñaupanpin kumpakurqan, mana kuyuriqllapaqñan wijch’ukurqan.
Jaelpa chakinmanmi urmarqan, ladonpin kumpakurqan;ñaupanpin chutakurqan, chaypin wañupurqan.
28 Ventanamantan juj warmi qhawakamusharqan,
Sisaraq mamanmi qhawapakamusharqan:
¿Imaraykutaq manari chayamunraqchu?
¿Imaraykutaq caballonkunaq phawamusqanri mana uyarikunchu?,+ nispa.
29 Palacionpi yachaysapa warmikunan nisharqanku;Sisaraq mamanpas chhaynatan sonqonpi nisharqan:
30 Guerrapi qechusqankutachá rakinakushanku;jujta iskayta imachá sapanka qhariman warmita qoshanku.
Sisaramanchá qoshanku teñisqa telakunata; arí, chaytachá payman qoshanku.
Bordasqa p’achakunatachá payman qoshanku;qechuqmasinkunamanpas iskay-iskaytachá bordasqa p’achata qoshanku, nispa.
31 Jehová Diosníy, chhaynata wañuchunku enemigoykikuna,+qanta munakuqkuna ichaqa inti jina k’ancharichunku”, nispa.
Chaykuna qhepamanqa tawa chunka watan Israel runakunaqa thajpi kausarqanku.+
