Job 37:1-24
37 ”Chayraykun sonqoyqa t’ij-t’ij ninraq,mancharikuymantan sonqoyqa phatarunqaña.
2 Diospa rimarisqanta tukuy yuyay uyariychis,siminmanta lloqsimuq t’ojayta tukuy sonqo uyariychis.
3 Rayo t’ojaytan payqa cielomantapacha kachaykamun,+llifllikiytapas kay pachaq k’uchunkunamanraqmi chayachin.
4 Chaymantataq kunununuy uyarikun.
Rimasqanqa rayo t’ojay jinan,+rimaqtinqa llifllikiypas mana sayaspan k’anchamushallan.
5 Diospa rimasqanqa musphanapaq jinan t’ojan,+ancha jatun ruwasqanmanpas manan yuyayninchisqa aypanmanchu.+
6 Paymi rit’ita nin: Jallp’a pachaman rit’iy,+ nispa.
Paymi parata nin: Jallp’aman jich’ayukuy,+ nispa.
7 Payqa runakunaq llank’asqantan sayachin,jinaspa paypa ruwasqankunata qhawachin.
8 Salqa animalkunaqa t’oqonkupin tiyanku,chayman phawaykuspan chaypi pakakunku.
9 Manchay wayraqa wasinmantan lloqsimun,+chiritapas wichay lado wayran apamun.+
10 Diospa phukurisqanmi rit’iqa chayamun,+paypa phukurisqanmi lamar-qochapas chullunku kapun.+
11 Paymi phuyutapas unuwan junt’achin,llifllikiytapas phuyu ukhupi k’ancharichin.+
12 Phuyuqa maynin purinantachus Dios kamachin chaynintan k’umparikun,cielopipas Diospa kamachisqanman jinan paykunaqa may ladomanpas rinku.+
13 Chaykunawanmi Diosqa castigonta apamun,+chaykunawanmi jallp’atapas bendecin, mana tukukuq munakuynintapas* rikuchin.+
14 Job, uyariway kay nisqayta,musphanapaq kaqkunata Diospa ruwasqankunapi allinta piensay.+
15 ¿Yachankichu qan imaynatachus Dios phuyukunata kamachin chayta?
¿Yachankichu imaynatachus phuyu ukhumanta rayota llifllikichimun chayta?
16 ¿Yachankichu imaynatachus phuyu altonta purin chayta?+
Llapa chay musphanapaq kaqkunaqa tukuy yachayniyoqpa ruwasqanmi.+
17 ¿Yachankichu imaraykuchus uray ladomanta wayra phukumuqtin thaj kay kan chayta,imaraykuchus chhayna kaqtin p’achaykipas q’oñirin chayta?+
18 ¿Qan atiwaqchu Dioswan kuska cielota mast’ariyta?+
¿Atiwaqchu metalmanta espejota jina cielota rumiyachiyta?
19 Niwayku chhaynapi chayta payman ninaykupaq,noqaykuqa manan ima niytapas atiykuchu, laqhayaqpin* kashayku.
20 ¿Niymanchu Diosta: Qanwanmi rimayta munashani, nispa?
¿Pipas imallatapas nirqanchu Diospa uyarinanpaq jina?+
21 Runaqa manan intiq k’anchaynillantapas rikunchu,maytaña cielopi k’anchashan chaypas manan rikunchu,wayra jamuspa phuyuta pichaqtinñan rikun.
22 Wichay ladomantan qori jina k’anchay k’anchamun;Diospa ancha jatun atiyninqa+ admirakunapaqmi.
23 Manan yuyayninchisqa aypanmanchu tukuy atiyniyoqmanqa,+paypa atiyninqa ancha jatunpunin,+payqa allintan imatapas ruwan,+chanintan imatapas ruwan.+
24 Chayraykun runakunaqa payta manchakunanku,+payqa manan yachaysapaman tukuq runamanqa sayapakunchu”,+ nispa.
Uraypi willakuykuna
^ Qhaway Explicasqa simikuna nisqapi “Mana tukukuq munakuy” nisqata.
^ Laqhayaqtaqa “tutayaq” nillankutaqmi.
