Job 33:1-33

  • Chaninpaq qhawarikusqanmanta Elihú Jobta anyasqanmanta (1-33)

    • “¡Ñan tariniña pay libraqta!” (24)

    • “Kallpanpas wayna kasqan tiempopi jina kapuchun” (25)

33  ”Chhaynaqa Job, uyariy imachus nisqayta,ama jinachu kay, llapa rimasqayta uyariway.   Makilla uyariway, simiytan kicharisaq,qalluymi rimayta munashan.   Chanin sonqowanmi rimasaq,+simiyqa cheqaqllatan rimanqa.   Diosmi espiritunwan* noqataqa ruwawarqan,+tukuy atiyniyoqmi kausay samayta qowarqan.+   Munaspaqa kutichimuy rimasqayman,allinta preparakuy rimanaykipaq.   Diospa ñaupanpiqa noqapas qan jinallan kani,noqapas t’urumanta ruwasqan kani.+   Chhaynaqa ama manchakuwaychu,manan rimasqayqa nishutachu ñit’isunki.   Noqaqa uyarinin rimasqaykita,sapa ratun qanqa nisharqanki:   Noqaqa ch’uyan kani, mana juchayoqmi kani,+noqaqa limpion kani, mana imapi pantaqmi kani.+ 10  Diosmi ichaqa tarinpuni imatapas contraypi jatarinanpaq,payqa enemigonpaqmi jap’ikapuwan.+ 11  Chakiytapas cepopin* jap’ichin,qhawamushallanmi ima ruwasqaytapas,+ nispa. 12  Ichaqa manan cheqaqchu chay nisqaykiqa, chayrayku kayta nisayki: Diosqa wañuq runakunamantaqa aswan jatunmi.+ 13  ¿Imaraykun pay contra quejakunki?+ ¿Rimasqaykikunaman mana kutichimusqanraykuchu chayta ruwanki?+ 14  Diosqa askha kutitan runakunata rimapayan,ichaqa manan pipas uyarinchu. 15  Payqa mosqoypi rijuriypi iman runakunata rimapayan,+misk’ita puñushaqtinkun parlapayan,puñunanku patapi puñushaqtinkun rimapayan. 16  Ninrinta kicharispan+ yachachiyninta willan,paykunamanmi yachachikuyninkunata churan, 17  chhaynapin mana allin kaqmanta paykunata t’aqan,+jatunchakuq kaymantan paykunata waqaychan.+ 18  Aya p’ampanaman ama jaykunanpaqmi runaq vidanta waqaychan,+espadamantan runaq vidanta libran. 19  Runaqa imatapas yachan nanaykunawan puñunanpi kasparaqmi,tullunkunaq nanasqanwanraqmi, 20  chhaynapi kaspan runaqa t’antatapas millakapun,sumaq mijunakunatapas mana munapunchu.+ 21  Chhaynapitaq tulluyapun,ñaupaqpi mana rikukusqan tullunkunaraqmi rikukun. 22  Aya p’ampanaq punkunmanñan qayllaykushan,runa wañuchiqkunaq ladonmanñan asuykushan. 23  Juj ángel* payman chayamun chayqa,waranqamanta jujnin yanapaq jamun chayqa,chanin kaqkunata payman willaq jamun chayqa, 24  Diosmi khuyapayan chay runataqa, chaymi nin: ¡Chay runata wañuymanta salvay!+ ¡Ñan tariniña pay libraqta!+ 25  Aychanpas wawaq aychan jinaraq kapuchun,+kallpanpas wayna kasqan tiempopi jina kapuchun,+ nispa. 26  Diostan rogakunqa,+ Diostaq uyarinqa;Diospa uyanta rikuspan kusikuymanta qaparinqa,Diospa ñaupanpin jujmanta chanin runa kapunqa. 27  Chay runan juj runakunata ninqa:* Noqaqa juchallikurqanin,+ mana allinkunatan ruwarqani,ichaqa manan castigasqachu karqani. 28  Paymi aya p’ampanamanta librawan,+chaymi k’anchaytaqa rikushaniraq, nispa. 29  Chhaynatan Diosqa runakunapaq ruwan iskay kutita, kinsa kutita imaraq; 30  chhaynatan aya p’ampanaq punkunmanta kutichimun,chhaynapi kausakushanallanpaq.+ 31  Job, ¡yuyayta churay rimasqayman! Ch’inlla kay, noqaqa rimasaqraqmi. 32  Imatapas niyta munanki chayqa niway. Mana juchayoq kasqaykitan sut’inchayta munani. 33  Manachus imapas ninayki kan chayqa, rimasqayta uyariway;ch’inlla uyariway, imachus yachay kasqantan yachachisayki”, nispa.

Uraypi willakuykuna

Qhaway Explicasqa simikuna nisqapi “Espíritu” nisqata.
Qhaway Explicasqa simikuna nisqapi “Cepo” nisqata.
Chaypiqa “willaq” nillanmantaqmi.
Hebreo rimaypiqa “takinqa” ninmi.