Job 26:1-14
26 Jobtaq khaynata nirqan:
2 “¿Chhaynatachu pisi kallpa runakunata yanapanki?
¿Chhaynatachu mana kallpayoq runakunata salvanki?+
3 ¡Kusatamá mana yachayniyoq runakunataqa yuyaychasqanki!+
¡Yachayniykitapas mana mich’akuspamá qoykuyta yachasqanki!
4 ¿Pitan qan yachachiyta munashanki?
¿Pin qanman kay yachayta qorqasunki?
5 Wañusqakunaqa manchasqan kashanku,lamar-qochapi tiyaqkunamantapas aswan ukhupiraqmi kashanku.
6 Diosqa rikushanmi Sepultura* ukhupi kaqkunata,+payqa rikumushanmi wañusqakunaq ismusqan ukhutapas.*
7 Paymi janaq pachata ch’usaqpi mast’arin,+paymi jallp’a pachatapas ch’usaqpi warkuykun.
8 Paymi unutapas phuyuwan k’uyun,+llasanña chaypas mana phatananpaq jinan k’uyun.
9 Payqa tronontapas pakanmi,mana rikunankupaq jinan phuyuwan pakan.+
10 Paymi janaq pachatapas lamar-qochatapas t’aqan,+paymi p’unchaytapas tutatapas t’aqan.
11 Dios rimariqtinqa cieloq columnankunaraqmi khatatatan.*
Dios phiñakuqtinqa cieloq columnankunaraqmi mancharikun.
12 Paymi atiyninwan lamar-qochata chhafchirin,+yachayninwantaq lamar-qochapi tiyaq manchay animalta* ñut’un.+
13 Samaynillanwanmi janaq pachatapas limpian,makillanwanmi pampanta suchuq mach’aqwaytapas wañuchin.
14 ¡Qhawariychis! Kaykunaqa Diospa ruwasqankunamantaqa juj chhikallanmi,+paymanta uyarisqanchiskunaqa samp’a rimay jinallan.
¿Pin entiendeyta atinman imaynatachus rayotapas t’ojachisqanta?”,+ nispa.
Uraypi willakuykuna
^ Hebreo rimaypiqa “Abadontapas” ninmi.
^ Khatatataytaqa “kharkatiy” nillankutaqmi.
^ Hebreo rimaypiqa “Rahabta” ninmi. Chaypiqa yaqapaschá lamar-qocha ukhupi tiyaq manchay jatun animalmanta rimashan.
