Deuteronomio 33:1-29
33 Manaraq wañupushaspan Diospa kamachin Moisesqa Israel runakunaman bendicionta qorqan,+
2 nirqanmi:
“Sinaí orqomantapachan Jehová Diosqa jamurqan,+Seirmantapachan paykunaman k’anchaykurqan.
Parán orqo-orqomantapachan lliflli kayninwan k’anchaykurqan,+paywan kuskan kashasqa sinchi askha angelkuna,*+paña ladonpin kashasqa maqanakuqninkuna.+
3 Payqa munakurqanmi llaqtanta.+
Makinpin kashanku llaqtapi ch’uya kaqkunaqa.+
Chakinpin tiyasharqanku paykunaqa,+simintan uyariyta qallarirqanku.+
4 (Moisesmi qowarqanchis juj kamachikuyta, juj leyta,+chayqa Jacobpa llaqtanpa makinpin kashan).+
5 Llaqta umallikuna juñunasqa kashaqtinkun,+llapa Israel ayllukunawan juñunasqa kashaqtinkun,+Diosqa Jesurunpi*+ rey kapurqan”, nispa.
6 Rubenmantan nirqan:
“Kausachun Rubén ayllu, ama wañuchunchu,+miraynin runakunapas ama pisiyachunchu”,+ nispa.
7 Judamantan nirqan:+
“Jehová Diosníy, uyariykuy Judá aylluq mañakuyninta,+wajmanta llaqtankuman kutichimuy.
Paykunaqa kaqninkuraykun maqanakushanku,yanapaykuy enemigonkuwan maqanakuypi”,+ nispa.
8 Levimantan nirqan:+
“Qanpa* kaqniyki Tumimpas Urimpas*+ qan* sonqo runapaq kachun,+Masá nisqapi pruebaman churasqayki runapaq kachun.+
Meribapi unuta orqoshaspan paywan churanakurqanki.+
9 Leví runakunaqa manan taytankutapas mamankutapas qhawarirqankuchu.
Manan wayqenkunatapas kasurqankuchu,+manan wawankunamanpas sayapakurqankuchu.
Paykunaqa simiykitan kasukurqanku,rimanakuyniykitan junt’arqanku.+
10 Paykuna Jacobman kamachikuyniykikunata yachachichunku,+paykuna Israelman leyniykikunata yachachichunku.+
Sumaq q’apaq inciensota qanman q’apachichunku,+altarniykipi ofrendata llapanta jaywachunku.+
11 Jehová Diosníy, kallpachakusqankuman bendicionniykita churaykuy,makinkuq ruwasqanta sumaqta chaskiykuy.
Paykuna contra jatariqpa chakanta p’akiy,cheqnikuqninku manaña jayk’aqpas jatarinanpaq”, nispa.
12 Benjaminmantan nirqan:+
“Jehová Diospa munakusqanqa ladonpi allin cuidasqa kausachun.
Paymi p’unchay ch’isiyaq cuidanqa,paytaq rijranpi kausanqa”, nispa.
13 Josemantan nirqan:+
“Jehová Dios jallp’anman bendicionta churamuchun,+janaq pachapi allin kaqkunata qomuchun,sullata,* jallp’a ukhupi unu pujyuta ima qomuchun.+
14 Intiq wiñachisqan allin kaqkunata qochun,sapa killan lloqsimuq allin mijuykunata qochun.+
15 Ñaupa orqokunapi* allin kaqkunata qochun,+wiñaypaq kaq moqokunapi allin kaqkunata qochun.
16 Kay pachapi allin kaqkunata, chaypi llapa ima kaqta qochun,+raurashaq sach’api rijurimuqpa allin qhawarisqan kachun.+
Llapa chaykuna Josepa umanman chayamuchun,wayqenkuna ukhumanta ajllasqa runaq umanman chayamuchun.+
17 Rijch’ayninqa ñaupaq wachasqa toroq rijch’aynin jinan,waqrankunapas salqa toroq waqrankuna jinan.
Chaywanmi payqa llapa llaqtakunata waqranqa,kay jallp’aq k’uchunkunakamaraqmi waqrarparinqa.
Paykunan kanku Efrainpi chunkay-chunka waranqa runakuna,+Manasespi waranqa-waranqa runakuna”, nispa.
18 Zabulonmantan nirqan:+
“Zabulón, kusikuy llank’ayniykipi,*Isacar, kusikuy karpaykikunapi.+
19 Paykunan orqo pataman llaqtakunata wajanqaku.
Chaypin chanin kaq sacrificiota jaywanqaku.
Paykunan lamar-qochapi qhapaq kaykunata orqonqaku,paykunan aqo-aqopi pakasqa qhapaq kaykunata orqonqaku”, nispa.
20 Gadmantan nirqan:+
“Bendecisqa kachun Gadpa linderonkunata* jatunyachiqqa.+
Payqa león jinan thallaykun,liston kashan jap’isqanpa makintapas umantapas llik’irparinanpaq.
21 Payqa allin kaq jallp’atan ajllakunqa,+kamachikuyta qoqpa waqaychapusqantan jap’ikapunqa.+
Llaqta umallikunan juñukunqaku.
Jehová Diospa sutinpin justiciata ruwanqa,paypa chaninchasqantan Israel runakunaman chayachinqa”, nispa.
22 Danmantan nirqan:+
“Danqa uña león jinan,+Basanmantapachan p’itanqa”,+ nispa.
23 Neftalimantan nirqan:+
“Neftaliqa Jehová Diospa allinpaq qhawarisqanwanmi kusisqa kashan,askha bendicionkuna chaskisqanwanmi kusisqa kashan.
Paymi inti jaykuy ladota uray ladotawan jap’ikapunqa”, nispa.
24 Asermantataq nirqan:+
“Aserqa askha wawakunayoqmi kapun.
Wayqenkunaq allin qhawarisqan kachun,chakintapas aceitewan maqchikuchun.
25 Fierromanta cobremanta punku wisq’anaykikuna kachun,+tukuy kausasqayki p’unchaykuna jina kallpaykipas kachun”, nispa.
26 Moisesqa nillarqantaqmi:
“Manan pipas kanchu Jesurunpi+ Dios jinaqa,+payqa yanapanasuykipaqmi cieloq jawanpi purishan,phuyukunaq jawantan jatun atiyninpi purishan.+
27 Wiñay-wiñaypaq kausaq Diosqa pakakuna Diosmi,+wiñaypaq makinkunan yanapaykusunki.+
Paymi ñaupaykimanta enemigoykikunata qarqonqa,+paymi ninqa: ¡Ch’usaqyachiychis!,+ nispa.
28 Israelqa allin waqaychasqan tiyanqa,Jacobpa wawankunaqa sapaqpin tiyanqaku,trigopas mosoq vinopas askha kasqan jallp’apin tiyanqaku,+chaypiqa chayamushallanqan paraqa.+
29 ¡Kusikuychis Israel runakuna!+
¿Pitaq qankuna jinari kanman?+
¿Pitan qankunata jina Jehová Dios salvarqan?+
Payqa pakaykuqniykichismi.+
Payqa jatun espadaykichismi.
Enemigoykichiskunan ñaupaykichispi khatatatanqaku,*+qankunan paykunata wasanpi sarunkichis”,* nispa.
Uraypi willakuykuna
^ Chaypiqa “chunkay-chunka waranqanpi ch’uya kaqkuna” nillanmantaqmi.
^ Jesurún sutiqa “ch’uya kausaq runa” ninantan nin. Chay sutiwanmi Israelqa jatunchasqa kaq.
^ Chaypiqa Diosmantan rimashan.
^ Qhaway Explicasqa simikuna nisqapi “Urim, Tumim” nisqata.
^ Chaypiqa Diosmantan rimashan.
^ Sullataqa “chhulla” nillankutaqmi.
^ Chaypiqa yaqapaschá “Inti lloqsimuy lado orqokunapi” nillanmantaq.
^ Hebreo rimaypiqa “lloqsisqaykipi” ninmi.
^ Linderotaqa “colinda, qorpa” nillankutaqmi.
^ Khatatataytaqa “kharkatiy” nillankutaqmi.
^ Chaypiqa yaqapaschá “alto orqokunata sarunkichis” nillanmantaq.
