Ageo 2:1-23
2 Qanchis kaq killapi iskay chunka jujniyoq p’unchaypin profeta Ageoqa+ Jehová Diosmanta kay simikunata chaskirqan:
2 “Ama jinachu kay, Judapi kamachikuq+ Sealtielpa churin Zorobabelta,+ Jehozadacpa+ churin uma sacerdote Josueta,+ llaqta runakunatawan kayta tapumuy:
3 ¿Qankunamanta mayqellanpas rikurqankichischu imayna munaychus ñaupaqpi kay wasi* karqan chayta?+ ¿Imaniwaqchistaq kunan kay wasimanta? ¿Manan ñaupaq wasimanqa imapipas igualanchu riki?,+ nispa.
4 ”Jehová Diosmi nin: Kallpachakuy Zorobabel, kallpachakuy Jehozadacpa churin uma sacerdote Josué, nispa.
”Jehová Diosmi nin: Kay jallp’api tiyaq llapa runakuna, qankunapas kallpachakuychis,+ llank’aychis, nispa.
”Ejercitokunata kamachiq Jehová Diosmi nin: Noqaqa qankunawanmi kashani.+
5 Egiptomanta lloqsimushaqtiykichis imatachus prometerqaykichis chayta yuyariychis.+ Kunanpas espirituywanmi* pusashaykichis.+ Ama manchakuychischu,+ nispa”.
6 “Ejercitokunata kamachiq Jehová Diosmi nin: Pisi tiempollamantan jujtawan chhafchisaq cielota, kay pachata, lamar-qochata, ch’aki pampatapas,+ nispa.
7 ”Ejercitokunata kamachiq Jehová Diosmi nin: Llapa nacionkunatan chhafchisaq, jinan llapa nacionkunaq qhapaq kayninkuna kay wasiman jaykunqa,+ noqataq chay wasita lliflli kayniywan junt’aykusaq,+ nispa.
8 ”Ejercitokunata kamachiq Jehová Diosmi nin: Qolqeqa noqaqmi, qoripas noqaqmi, nispa.
9 ”Ejercitokunata kamachiq Jehová Diosmi nin: Kay wasiq munay kayninqa, allin qhawarisqa kayninqa aswan jatunraqmi kanqa ñaupaq kaq wasimantaqa,+ nispa.
”Ejercitokunata kamachiq Jehová Diosmi nin: Kaypin thaj kayta churasaq,+ nispa”.
10 Darío iskay wataña kamachikushaqtinmi, isqon kaq killapi, iskay chunka tawayoq p’unchaypi profeta Ageoqa+ Jehová Diosmanta kay simikunata chaskirqan:
11 “Ejercitokunata kamachiq Jehová Diosmi nin: Ama jinachu kay, sacerdotekunata kamachikuy simimanta tapumuy:+
12 Pi runapas ch’uya aychata* p’achanpi apanman,* chay p’achataq t’antatapas, mijunatapas, vinotapas, aceitetapas otaq ima mijuytapas tupaykunman chayqa, ¿ch’uyachu chay tupaykusqan kapunman?, nispa”.
Jinan sacerdotekunaqa nirqanku: “¡Manan!”, nispa.
13 Jinan Ageoqa tapullarqantaq: “Pipas wañusqata* tupaykusqan jawa qhelli kashaspa chaykunata tupaykunman chayqa, ¿manachu chaykunapas qhellillataq kapunman?”,+ nispa.
Sacerdotekunataq nirqanku: “Arí, qhellin kapunqa”, nispa.
14 Jinan Ageoqa nirqan: “Jehová Diosmi nin: Chhaynan kay llaqtaqa, chhaynatan kay nacionta qhawarini, mana allinllatan paykunaqa ruwanku. Ima sacrificio jaywamuwasqankupas qhellin, nispa.
15 ”Diosmi nin: Kunanmantaqa kaypi allinta piensaychis. Manaraq Jehová Diospa wasinta perqayta qallarikushaqtin,+
16 ¿iman pasaq? Pipas mijuy oqariq rispa iskay chunka saco mijuyta tarinanpaq yuyaykuqqa chunka sacollatan oqariq, pipas uvas sarunaman rispa pisqa chunka jarra vinota orqonanpaq yuyaykuqqa iskay chunka jarra vinollatan orqoq.+
17 Tukuy ima llank’asqaykichismanmi sinchi ruphaq wayrata, plantakunapaq onqoyta,+ chijchita ima chayachimurqani. Chaywanpas manan mayqenniykichispas kutirikamuwarqankichischu, nispa. Jehová Diosmi chayta nin.
18 ”Diosmi nin: Ama jinachu kaychis, kunanmantapacha kaypi allinta piensaychis. Isqon kaq killa, iskay chunka tawayoq p’unchaypi Jehová Diospa wasinpaq cimentacionta churasqaykichismantapacha+ kaypi allinta piensaychis.
19 ¿Kashanraqchu muju despensapi?+ Manaraqmi uvaspas, higospas, granadapas ni aceituna sach’apas rurunraqchu ¿riki? Kunanmantapachan bendicionta churamusaykichis,+ nispa”.
20 Chay killapin Ageoqa iskay chunka tawayoq p’unchaypi jujmanta Jehová Diospa siminta chaskillarqantaq.+ Diosmi nirqan:
21 “Judapi kamachikuq Zorobabelta nimuy: Janaq pachata kay pachatawanmi chhafchisaq.+
22 Reykunaq tiyanan tronokunatan ch’usaqyachisaq, llapa nacionkunaq atiynintan chinkachisaq.+ Carretakunatapas carreta manejaqkunatapas ch’usaqyachisaqmi, caballonkutapas chinkachisaqmi, caballopi sillaykusqa soldadokunapas paykunapuran espadawan wañuchinakunqaku,+ nispa”.
23 “Ejercitokunata kamachiq Jehová Diosmi nin: Sealtielpa+ churin kamachiy Zorobabel,+ qantan chay p’unchay wajasayki, nispa. Jehová Diosmi nin: Qanta ajllakusqayraykun sellana anillo jina kanki, nispa. Ejercitokunata kamachiq Jehová Diosmi chayta nin”.
