Jeremías 12:1-17
12 Jehová Diosníy, qanqa chanin Diosmi kanki,+quejakuyniyta chayachimuqtiypas, justicia ruwaymanta rimaqtiypas chaninmi kanki.
Ichaqa, ¿imaraykutaq millay runakunari allillan kanku ima ruwasqankupipas?+
¿Imaraykutaq traicionerokunari mana imamantapas llakikuspalla tiyanku?
2 Qanmi plantarqanki, paykunataq saphichakurqanku,wiñaruspan rururqanku.
Paykunaqa simillankuwanmi qanmanta rimanku,sonqonkun* ichaqa qanmanta karupi kashan.+
3 Jehová Diosníy, qanqa allintan reqsiwanki,+ qanqa rikushawankin,sonqoytan t’aqwirqanki, yachankin qanwan kashasqanta.+
Ñak’anapaq ovejakunata jina paykunata t’aqay,wañuchina p’unchaypaq waqaychay.
4 ¿Jayk’aqkaman kay jallp’a ch’akilla kanqa?
¿Jayk’aqkaman campopi plantakuna naq’epunqa?+
Chaypi tiyaq runakunaq causanpin uywakuna chinkapun,alton phalaq animalkunapas ch’innipun.
Paykunan ninku: “Diosqa manan yachanchu imachus pasawasun chaytaqa”, nispa.
5 Runakunawan phawaspachus sayk’unki chayqa,¿imaynatataq caballokunawanri phawawaq?+
Thaj kay jallp’api tiyaspaqa manan imatapas manchakunkichu.
Ichaqa, ¿imatan ruwanki Jordán sach’a-sach’api tarikuspa?
6 Taytaykiq wasinpi kaq wayqeykikunan traicionarqasunkiku,+qan contran qaparirqanku.
Ama paykunapi confiaychu,sumaqtaña rimapayasunkikuman chaypas.
7 Diosmi nin: “Wasiytan saqepurqani,+ herenciaytan wijch’upurqani,+munakusqaytan enemigonkunaq makinman entregaykurqani.+
8 Herenciayqa sach’a-sach’api león jinan kapun,contraypin qaparin.
Chayraykun payta cheqnikapuni.
9 Herenciayqa aycha mijuq color-color phalaq animal jinan,wakin aycha mijuq phalaq animalkunan wañuchinankupaq muyuykunku.+
Campopi llapa animalkuna, juñukamuychis,jamuychis mijunaykichispaq.+
10 Askha michiqkunan uvas chajrayta ñut’urqanku,+ajllakusqay jallp’aytan lliuta sarurqanku.+
Munasqay jallp’aytan purunyachirqanku.
11 Jallp’ayqa wijch’usqan kapun,khuyaymi, waqanapaq jinan kashan,purunyachisqan kashan.+
Suyuntinmi ch’usaqyachisqa kapun,manataqmi pimanpas imapas qokunchu.+
12 Ch’inninta pasaq llapa ñankunatan thuniqkuna jamunku,Jehová Diosniykiq espadanmi suyuta cantonmanta cantonkama ch’usaqyachishan.+
Manan pipaqpas thaj kay kanchu.
13 Trigotan t’akarqanku, kiskakunatataq cosecharqanku.+
Yanqapaqmi sayk’urqanku.
P’enqaymi cosechanku kanqa,Jehová Dios k’araqta phiñakusqanraykun chhayna kanqa”, nispa.
14 Jehová Diosmi nin: “Israel llaqtayman herencia qosqayta tupaykuq llapa millay suyukunatan+ kay jallp’amanta wijch’usaq,+ Judá runakunatapas paykuna chaupimantan wijch’usaq.
15 Wijch’usqay qhepamanmi ichaqa khuyapayasaq, jinaspan sapankankuta herencianku kananpaq qosqay jallp’aman kutichimpusaq”, nispa.
16 “Sichus llaqtay jina imatapas ruwanqaku, imaynan llaqtayman yachachirqanku Baalpa sutinpi jurayta chhaynata sutiypi juranqaku, ¡wiñaypaq kausaq Jehová Diospa sutinpin jurani!, nispa chayqa, llaqtay ukhupin tiyapunqaku.
17 Manachus kasukunqaku chayqa ch’usaqyachisaqmi chay nacionta, t’iraspan chinkachipusaq” ninmi Jehová Dios.+
Uraypi willakuykuna
^ Chaypiqa “sonqonku ukhullapi piensasqankun” nillanmantaqmi.
