Isaías 60:1-22
60 Diosmi nin: “Yau warmi, ¡sayariy,+ k’anchariy!
K’anchayniykiqa kaypiñan kashan.
Jehová Diospa lliflli kayninmi k’anchaykamusunki.+
2 Kay pachan laqhayapunqa,*nacionkunatan yana phuyu junt’aykunqa;qanmanmi ichaqa Jehová Dios k’anchaykamusayki,qanpin lliflli kaynin rikukunqa.
3 Nacionkunan qanpa k’anchayniykiman jamunqaku,+reykunan+ lliflliriq k’anchayniykiman jamunqaku.+
4 ¡Umaykita oqariy, muyuriqniykita qhawariy!
Llapa paykunan juñusqa kanku, qanmanmi jamushanku.
Karu llaqtakunamantan churiykikunaqa jamushanku,+marq’ayninkupin ususiykikunata apamushanku.+
5 Chay tiempopin chayta rikunki, jinan uyaykiraq k’ancharinqa,+sonqoykipas ancha kusikuymantan astawanraq phataqyanqa.
Lamar-qochaq qhapaq kayninkunan qanman jamunqa,nacionkunaq tukuy ima kaqninkunan qanman jamunqa.+
6 Camellokunan mana yupay atiyraq jallp’aykiman junt’aykamunqa,Madián ladomanta Efá ladomanta+ malta camellokunan jamunqa.
Saba ladomantan llapa runakuna jamunqaku,qori aparisqa, yuraq incienso* aparisqa iman jamunqaku.
Paykunaqa lliupa ñaupanpin Jehová Diosta jatunchanqaku.+
7 Quedarpa+ llapa uywankunan qanpaq juñusqa kanqaku.
Nebayojpa+ ovejankunapas makiykipin kanqaku.
Chay uywakunaqa chaskisqan altarniypi kanqaku;+noqaqa munaytan jatun wasiyta munaychasaq.+
8 ¿Pikunan kayta phuyu jinaraq phawashanku?
¿Pikunan kayta t’oqonkuman phawaq urpi jinaraq phalashanku?
9 Islakunaqa noqapin suyakunqaku.+
Tarsis barcokunan ñaupaqta rishanku,wawaykikunata karumanta apamuqmi rishanku,+qorintinta qolqentinta apamuqmi rishanku,paykunan jamunqaku Diosniykichis Jehová Diosta jatunchaq, Israelpa ch’uya Diosninta alabaq;paymi qankunata munayman tukuchisunkichis.+
10 Waj llaqta runakunan perqaykikunata perqapusunkiku,paykunaq reyninkunan kamachiykita ruwanqaku.+
Noqaqa sinchi phiñakuyniypin castigarqayki,ichaqa sumaq sonqo kayniypin khuyapayasayki.+
11 Punkuykikunaqa manan jayk’aqpas wisq’akunqachu,+kichasqallan kanqa tutapas p’unchaypas,llapa nacionkunan imaymanakunata apamusunki,reyninkuqa paykunaq ñaupankutaraqmi jamunqaku.+
12 Qanta mana serviq nacionkunaqa chinkachisqan kanqaku,paykunaqa ch’usaqman tukuchisqan kanqaku.+
13 Líbano wichaymantan munay sach’akuna qanman jamunqa,+jamunqakun enebro sach’akunapas, ciprés sach’akunapas, fresno sach’akunapas,+chaykunan ch’uya wasiyta munayman tukuchinqa,chaki sarunaytapas munaymanmi tukuchisaq.+
14 Sarunchaqniykikunaq wawankunan jamuspa qanman k’umuykunqaku,pisichaqniykikunan chakiykiman k’umuykunqaku,paykunan sutichasunkiku: Jehová Diospa llaqtan, Israelpa ch’uya Diosninpa Sion orqon,+ nispa.
15 Wijch’urqaykiña chaypas, cheqnisqaña karqanki chaypas,manaña pipas qanman muyuykamurqasunkichu chaypas,+noqan qanta runakunaq alabakunanman tukuchisayki,llapa nacionkunaq wiñay-wiñaypaq kusikunanmanmi tukuchisayki.+
16 Nacionkunaq lechentan ujanki,+reykunaq qhapaq kayninmantan mijunki;*+allintan yachanki Diosniyki Jehová Dios salvaqniyki kasqanta,Jacobpa ancha atiyniyoq Diosnin rantiqniyki kasqanta.+
17 Cobreq rantinpin qorita apamusayki,fierroq rantinpin qolqeta apamusayki,maderaq rantinpin cobreta apamusayki,rumiq rantinpin fierrota apamusayki.
Thaj kaytan qankuna qhawaqta churasaq,chanin kaytataq qankuna kamachiqta churasaq.+
18 Llaqtaykipiqa manañan uyarikunqachu maqanakuymanta rimay,linderoyki ukhupiqa manañan uyarikunqachu thuniymanta rimay.+
Llaqta perqaykikunatan Salvaq nispa sutichanki,+punkuykikunatataq Jatunchaq nispa ninki.
19 P’unchayqa manañan intiq k’anchayninwanñachu k’anchakunki,tutapas manañan killaq k’anchayninwanñachu k’anchakunki.
Diosniyki Jehová Diosmi k’anchayniyki kanqa, wiñaypaqmi k’anchasunki,+paypa k’anchayninmi ancha munayman tukuchisunki.+
20 Intiykiqa manan jayk’aqpas chinkaykunqañachu,killapas manan jayk’aqpas wañunqañachu.
Jehová Diosniykin qantaqa wiñaypaq k’anchasunki,+ñak’arinayki p’unchaykunaqa ñan tukupunña.+
21 Llaqtayki runakunaqa chaninkaman kanqa,paykunan kay jallp’ata wiñaypaq jap’ikapunqaku.
Paykunaqa noqaq plantasqaykunan kanku,makiypa ruwasqankunan kanku,+paykunawanmi jatunchasqa kasaq.+
22 Pisilla kaqmi waranqa kapunqa,juch’uypaq qhawarisqan jatun nación kapunqa.
Noqan chaykunata tiempollanpi junt’achisaq,noqa Jehová Diosmi usqhaylla junt’achisaq”, nispa.
Uraypi willakuykuna
^ Laqhayaqtaqa “tutayaq” nillankutaqmi.
^ Chaypiqa “olíbano” nillanmantaqmi.
^ Hebreo rimaypiqa “reykunaq ñuñuntan ñuñunki” ninmi.
