Salmos 41:1-13
Takiqkunata pusariqpaq. Davidpa takin.
41 May kusisqan pisichikuqkunata khuyapayaqqa,+paytan Jehová Diosqa sasachakuy tiempopi libranqa.
2 Jehová Diosmi payta waqaychanqa, kausashaqllatan jap’inqa.
Payqa kusisqan kay pachapi kanqa,llapa runakunan chayta reparanqaku.+
Manapunin enemigonkunamanqa entreganqachu.*+
3 Puñunanpi onqosqa kashaqtinpas manan Jehová Diosqa saqenqachu;+maypichus onqosqa kashan chay puñunatapas cambianqan.*
4 Noqan nirqani: “Diosníy Jehová, khuyapayakuyniykita rikuchiway,+qan contran juchallikuni,+ jampiykuway”,+ nispa.
5 Cheqniwaqniy runakunan mana allinkunata noqamanta rimashanku,paykunan nishanku: “¿Jayk’aqtaq kay runari wañunqa?
¿Jayk’aqmi sutinpas qonqasqa kanqa?”, nispa.
6 Mayqenninkupas watukuq jamuspaqa,yanqallan imaymana allinkunata rimanku.
Contraypin yanqa willakuykunata juñunku,chaytataq lliuman ch’eqerichimunku.
7 Llapa cheqniwaqniykunan noqa contra chhuchupakunku,*noqa contran rimanakunku. Paykunan nishanku:
8 “Sinchi mana allinmi kashan, puñunapin kashan,manan chaymantaqa sayarinmanñachu”,+ nispa.
9 Noqawan thajpi kausaq runan noqa contra kapun,confiasqay runan contraypi sayaripun,+t’antata mijuqmasiymi noqa contra jataripun.+
10 Jehová Diosnilláy, khuyapayaykuway, sayarichiway,chhaynapi imachus ruwasqankumanta castiganaypaq.
11 Enemigoy mana atipawaqtinmi,noqaqa yachasaq noqawan kusikusqaykita.+
12 Qanmi noqataqa yanapawanki,tukuy sonqowan servisqayraykun yanapawanki;+wiñaypaqmi noqawanqa kusikunki.*+
13 Jatunchasqa kachun Israelpa Diosnin Jehová Diosqa,wiñay-wiñaypaq alabasqa kachun.+
Amén,* amén.
Uraypi willakuykuna
^ Chaypiqa “Manapunin enemigonkunaq munayninmanqa qonqachu” nillanmantaqmi.
^ Chaypiqa qhaliyananpaq juj puñunaman cambiaymantan rimashan.
^ Chhuchupakuytaqa “phispinakuy, sijsinakuy” nillankutaqmi.
^ Hebreo rimaypiqa “wiñaypaqmi ñaupaykipi tajyachiwanki” ninmi.
^ Chaypiqa “Chhayna kachun” nillanmantaqmi.
