Proverbios 11:1-31
11 Jehová Diosqa cheqnikunmi engañaq balanzata,chanin balanzawanmi* ichaqa anchata kusikun.+
2 Jatunchakuq kayqa pisichasqa kaytan apamun,+juch’uyaykukuqkunan ichaqa yachayta tarinku.+
3 Chanin runakunaqa tukuy sonqowanmi Diosta kasukunku, chaymi allin kaqta ruwanku,+traicionerokunatan ichaqa millay kayninku ch’usaqyachinqa.+
4 Diospa k’araq phiñakuynin p’unchaypiqa manan imapaqpas valenqachu qhapaq kayqa,*+chanin kaymi ichaqa wañuymanta salvanqa.+
5 Mana juchachana runaq ñannintaqa chanin kayninmi rectoyachin,millay runatan ichaqa mana allin ruwasqan urmachinqa.+
6 Chanin runataqa chanin kayninmi salvanqa,+traicionero runan ichaqa imachus munapayasqanwan jap’ichikunqa.+
7 Millay runa wañupuqtinqa suyakuyninpas chinkapunmi,kallpanwan imaymana tarinanta yuyaykusqanpas chinkapunmi.+
8 Chanin runaqa sinchi llakikuyninmantan librasqa kapun,millay runataq rantinpi jaykun.+
9 Diosmanta t’aqakuspa pay contra jatariq runaqa* siminwanmi runamasinta mana allinman apan,chanin runakunan ichaqa imapas yachasqankuwan librakunku.+
10 Chanin runakunaq sumaq sonqo kayninqa llaqtatan kusichin,millay runakuna chinkapuqtinqa kusikuymanta qapariymi kan.+
11 Chanin runakunaq bendecisqa kasqanwanmi llaqtaqa jatunchasqa,+millay runakunaq siminmi ichaqa llaqtata thunin.+
12 Mana yuyayniyoqqa runamasintan pisichan,allin reparaq runan ichaqa upallakun.+
13 Yanqamanta tumpaqqa mana willana kaqkunata jujkunaman willaspan purin,+confiana runan* ichaqa mana willana kaqkunata sonqollanpi waqaychan.
14 Allin* yuyaychay mana kaqtinmi llaqtaqa ñak’arin,askha yuyaychaqkuna kaqtinmi ichaqa allin imapas lloqsin.+
15 Mana reqsisqata garantizaqqa mana allinpin tarikunqa,+mana usqhaylla rimanakuqmi* ichaqa thajpi tiyanqa.
16 Sumaq sonqo warmiqa jatunchaytan tarin,+millay runakunan ichaqa qhapaq kaykunata jap’ikapunku.
17 Runaq sumaq sonqo kayninqa* pay kikinpa allinnillanpaqtaqmi,+millay runan ichaqa pay kikillantataq mana allinta ruwakun.*+
18 Millay runaq imapas tarisqanqa yanqapaqmi,+chanin kaqta ruwaqmi ichaqa cheqaq pagota chaskin.+
19 Chanin kayman k’askakuqqa kausaytan tarinqa,+mana allin kaqman k’askakuqmi ichaqa wañuyta tarinqa.
20 Jehová Diosqa cheqnikunmi millay sonqoyoq runakunata,+mana juchachanata kausaqkunawanmi ichaqa anchata kusikun.+
21 Kayta yachay: Millay runaqa castigasqapunin kanqa,+chanin runakunaq churinkunan ichaqa mana castigasqachu kanqaku.
22 Khuchiq senqanpi qori argolla jinanmana yuyayniyoq munay warmiqa.
23 Chaninkunaq munasqanqa allin kaqmanmi apan,+millay runakunaq suyakusqanmi ichaqa Diospa phiñakuyninta chayachimun.
24 Qoykukuq runaqa aswan kaqniyoqraqmi kapun,+qoykunanta mana qoq runan ichaqa wajchayapun.+
25 Qoykukuq runaqa imaymanayoqmi kanqa,+jujkunaman unuta ujachiqpas ujachisqallataqmi kanqa.+
26 Trigota payllapaq waqaychaqtan llaqta runakuna ñakanqaku,trigo vendeqtan ichaqa jatunchanqaku.
27 Allin kaqllatapuni ruwaqqa allin qhawarisqan kanqa,+mana allin kaqta ruwaqmi ichaqa mana allinpi tarikunqa.+
28 Qhapaq kayninpi confiaqqa urmapunqan,+chanin runan ichaqa raphisapa plantakuna jina t’ikarinqa.+
29 Familianta sasachakuyman* churaqqa mana imayoqmi qhepanqa,+mana yuyayniyoqpas yachayniyoq runaq kamachinmi kapunqa.
30 Chanin runaq ruwasqanqa kausay sach’a jinan,+yachayniyoqqa jujkunatan allin ñanman kutichin.+
31 Chanin runapas imaynatachus kausasqanman jinataq chaskin chayqa,¡imaraqchá kanqa millay runamantapas, juchasapa runamantapas!+
Uraypi willakuykuna
^ Chaypiqa “k’apajta pesaq rumiwanmi” nillanmantaqmi.
^ Chaypiqa “valorniyoq cosaskunaqa” nillanmantaqmi.
^ Qhaway Explicasqa simikuna nisqapi “Diosmanta t’aqakuy” nisqata.
^ Chaypiqa “junt’aq runan” nillanmantaqmi.
^ Chaypiqa “Yachaywan” nillanmantaqmi.
^ Chaypiqa “makinta jaywariyta cheqnikuqmi” nillanmantaqmi.
^ Chaypiqa “mana tukukuq munakuyninqa” nillanmantaqmi.
^ Chaypiqa “p’enqayman churakun” nillanmantaqmi.
^ Chaypiqa “p’enqayman” nillanmantaqmi.
