Marcos 16:1-8

  • Jesuspa kausarimpusqanmanta (1-8)

16  Samana p’unchay*+ tukupuqtin jinataq María Magdalenawan, Santiagoq maman Mariawan,+ Salomepiwan sumaq q’apaq kaqkunata* rantirqanku, chaywan Jesuspa cuerponta jawimunankupaq.+  Semana qallariy p’unchaytataq* pacha illarimuyllata rispa inti lloqsimuqtinña sepulturaman chayarqanku.+  Paykunaqa ninakusharqankun: “¿Pitaq kunanri sepulturaq punkunmanta rumita suchuchipuwasunchis?”, nispa.  Qhawariqtinkutaq rumiqa suchuchisqaña kashasqa, chay rumiqa sinchi jatunmi karqan.+  Sepulturaman jaykuspankutaq pampakama yuraq p’achayoq waynata rikurqanku paña ladopi tiyashaqta, chaywanmi paykunaqa mancharikurqanku.  Chay waynan paykunata nirqan: “Ama manchakuychischu.+ Qankunaqa k’aspipi wañuchisqa karqan chay Nazaret llaqtayoq Jesustan maskhashankichis ¿riki? Payqa kausarichisqan kapun,+ manañan kaypichu. Qhawariychis maypichus churasqa kasharqan chayta.+  Kunanqa riychis, jinaspa discipulonkunaman Pedromanwan willamuychis: Payqa ñauparinñan Galileaman,+ chaypin nisqasuykichisman jina payta rikumunkichis,+ nispaykichis”, nispa.  Warmikunataq sepulturamanta lloqsispanku phawaylla chaymanta ripurqanku manchakuymanta khatatataspa* ancha admirasqa ima. Manataq pimanpas imatapas willarqankuchu manchasqa kashasqankurayku.*+

Uraypi willakuykuna

Qhaway Explicasqa simikuna nisqapi “Samana p’unchay” nisqata.
Chay sumaq q’apaq kaqkunaqa polvowan raphikunawan chhaqrusqa aceiten karqan. Chaywanmi wañusqakunaq cuerponta jawiqku p’ampanankupaq.
Chayqa karqan domingo p’unchaymi, judío runakunapaqqa chaymi karqan semana qallariy p’unchay.
Khatatataytaqa “kharkatiy” nillankutaqmi.
Allin respetasqa ñaupa qelqakunaq nisqanman jinaqa, Marcos libroqa kay pusaq versiculollapin tukun. Qhaway “Astawan yachanapaq A3” nisqata.