Habacuc 1:1-17

  • Yanapayta profeta mañakusqanmanta (1-4)

    • “Jehová Diosníy, ¿jayk’aqkaman?” (2)

    • “¿Imaraykun sarunchayta jinallata qhawanki?” (3)

  • Caldea runakunawan juicionta Dios chayachimunanmanta (5-11)

  • Jehová Diosta profeta rogakusqanmanta (12-17)

    • “Diosnilláy, qanqa mana wañuqmi kanki” (12)

    • “Diosníy, qanqa ch’uyay-ch’uyan kanki” (13)

1  Noqa profeta Habacucmi* rijuriypi juj willakuyta chaskirqani, jinan nirqani.   Jehová Diosníy, ¿jayk’aqkaman qaparisparaq yanapayta mañakamusayki? ¿Jayk’aqmi uyarimuwanki?+ ¿Jayk’aqkaman wajakamusayki ñak’ariymanta librawanaykipaq?+   ¿Imaraykun mana allin ruwaykunata rikuchiwanki? ¿Imaraykun sarunchayta jinallata qhawanki? ¿Imaraykun ch’usaqyachiylla, ñak’arichiylla kashan? ¿Imaraykun maqanakuylla, churanakuylla kashan?   Chaymi kamachikuytaqa mana pipas kasukunchu,manan jayk’aqpas justiciaqa ruwakunchu. Millay runakunan chanin runakunata muyuykun,chaymi mana allintachu justiciatapas ruwakun.+   “¡Nacionkunata makilla qhawariychis! Admirasqa qhawaychis, simi janllarisqaraq qhawaychis,mana creenapaq jinan tiempoykichispi pasanqa,willasunkichisña chaypas manan chaytaqa creenkichischu.+   Caldea runakunatan jatarichisaq,+millay mana khuyapayakuq naciontan sayarichisaq. Paykunaqa jinantinmanmi phawaykunku,llapantan wasikunata jap’ikapunku.+   Millay runakunan kanku, manchakunapaq jinan kanku. Munasqankuman jinan justiciata ruwanku, munasqankuman jinan kamachikunku.+   Caballonkuqa leopardokunamantapas* astawanraqmi phawan,tutapi puriq lobokunamantapas* aswan phiñaraqmi kanku.+ Guerrapaq caballonkuqa phawayllan p’itan,karumantaraqmi jamunku. Mijunanman phawaykuq anka jinaraqmi phawaykunku.+   Llapankun wañuchiy yuyayllaña jamunku.+ Juñukuspaqa inti lloqsimuy ladomanta jamuq wayra jinan kanku,+runakunatapas aqota jinan presota apapunku. 10  Reykunamantapas burlakunkun,autoridadkunamantapas asikunkun.+ Asikunkun allin perqayoq llaqtakunamantapas,+perqa k’uchuman jallp’ata montospan llaqtakunata jap’ikapunku. 11  Paykunaqa wayra jinan phawashallanku. Ichaqa juchachasqan kanqaku,+paykunaqa diosniykuq atiyninwanmi ruwashayku* ninkun”.+ 12  Jehová Diosníy, ¿manachu qanqa wiñay-wiñaymanta kausashanki?+ Ch’uya Diosnilláy, qanqa mana wañuqmi kanki,*+Jehová Diosnilláy, qanmi paykunataqa churarqanki juicioykita chayachinankupaq,pakakunay qaqalláy,+ qanmi paykunataqa ajllarqanki castigoykita chayachinankupaq.+ 13  Diosníy, qanqa ch’uyay-ch’uyan kanki,mana allin ruwaytaqa manan jinallataqa qhawankichu, manan rikuytapas munankichu.+ Chhaynaqa, ¿imanaqtinmi jinallata qhawanki runamasin jap’ichiq runata?+ ¿Imaraykun ch’inlla kanki millay runa paymanta aswan chanin kaqta munaychakushaqtin?+ 14  ¿Imaraykun jinallata qhawanki runakuna challwa jina jap’isqa kanankuta? ¿Imaraykun jinallata qhawanki mana kamachiqniyoq suchuq animalkuna jina jap’isqa kanankuta? 15  Caldea runakunaqa llapankutan anzuelowan aysanku,llapankutan mallankuwan jap’inku,challwa jap’ina llikankupin llapankuta juñunku. Chaywanmi paykunaqa anchata kusikunku.+ 16  Chaymi challwa jap’ina mallankuman sacrificiota jaywanku,challwa jap’ina llikankumanmi inciensota q’osñichinku. Mallankuraykun mijunankuqa askhallaña,llikankuraykun mijunankuqa sumaqllaña. 17  Chhaynaqa, ¿kaqllachu mallankuwan jap’ishanqaku?* ¿Kaqllachu mana khuyapayaspa nacionkunata ch’usaqyachishallanqaku?+

Uraypi willakuykuna

Habacuc sutiqa yaqapaschá “marq’aykuy” ninanta nin.
Leopardoqa puma jinan, ichaqa ch’eqchin.
Loboqa atoq jinan, ichaqa aswan jatunmi, sinchi phiñataqmi kanpas.
Chaypiqa yaqapaschá “diosniykun atiyniykuqa” nillanmantaq.
Chaypiqa yaqapaschá “manan wañusaqkuchu” nillanmantaq.
Chaypiqa yaqapaschá “espadankuta orqomushanqaku” nillanmantaq.