Isaías 55:1-13

  • Mijunapaq ujanapaq invitacionmanta (1-5)

  • Jehová Diospa siminta maskhanamanta (6-13)

    • Diospa ñanninkunaqa runakunaq ñanninkunamanta aswan jatunmi (8, 9)

    • Diospa rimasqanqa junt’akunqapunin (10, 11)

55  ¡Qankuna ch’akisqakuna, jamuychis,+ kaypin unu kashan!+ ¡Mana qolqeyoqkuna, jamuychis, mana qolqellawan mijukuychis! Mana qolqellawan vinotapas lechetapas apakuychis,+ manan k’atatapas pagankichischu.+   ¿Imaraykun mana alimentoyoq yanqa mijunapi qolqeta gastashankichis? ¿Imaraykun sasawan tarisqaykichista mana sajsachikuq yanqa cosaskunapi usuchishankichis? Tukuy yuyaywan uyariwaychis: Allin mijunata mijuychis,+alimentoyoq mijunakunata, sumaq mijunakunata mijuychis.+   Tukuy yuyaywan uyariwaychis, kayman jamuychis.+ Uyariychis, chhaynapin kausankichis,mana tukukuq munakuyniypi* Davidman prometesqayman jinanqankunawan wiñaypaq rimanakusaq,+chay promesaqa confianapaq jinapunin.+   Paytan churani nacionkunaman willaq testigota,+nacionkunata umallinanpaq+ gobiernananpaqwan.+   Mana reqsisqayki naciontan wajanki,mana reqsiqniyki nacionmi qanman phawarimunqa,Jehová Diosrayku,+ Israelpa ch’uya Diosninraykun qanman jamunqaku,paymi qanta jatunchasunki.+   Tarinaraq kashaqtin Jehová Diosta maskhaychis,+qayllallapiraq kashaqtin payta wajakuychis.+   Mana allin ruwaq runaqa saqepuchun chay ñanninta,+millay runapas wijch’upuchun mana allin piensayninta,jinaspa Jehová Diosman kutipuchun, payqa khuyapayanqan payta,+Diosninchisman jampuchun, payqa llapantan perdonanqa juchankunata.+   Jehová Diosmi nin: “Noqaq piensayniyqa manan qankunaq piensayniykichis jinachu,+ruwasqaykunapas manan qankunaq ruwasqaykichis jinachu.   Imaynan cielopas jallp’amanta aswan altopi kashan,chhaynan ruwasqaykunapas ruwasqaykichismanta aswan altopi kashan,piensayniypas piensayniykichismanta aswan wichaypi kashan.+ 10  Imaynan parapas rit’ipas cielomanta chayamuspa jallp’ata allinta apichan allinta joq’on,manataq kutinchu pampapi imaymana kaqkunata wiñachimunankama,chajra llank’aqpaq mijuyta wiñachinankama, mijuqpaqpas mijuyta qonankama, 11  chhaynallataqmi kanqa simiymanta lloqsimuq rimasqaywanpas.+ Manan jinallaqa kutimunqachu,+tukuy ima munasqaytan ruwanqa,+imapaqchus kachamurqani chaytan llapanta junt’anqa. 12  Qankunaqa kusisqan lloqsimpunkichis,+thajpin apamusqa kankichis.+ Chayamuqtiykichismi orqokuna moqokuna kusikuymanta qaparinqaku,+campopi sach’akunapas kusisqan t’aqllarikunqaku.+ 13  Kiskakunaq wiñananmantan enebro sach’akuna wiñanqa.+ Kisakunaq wiñananmantan arrayán sach’akuna wiñanqa. Chaykunawanmi Jehová Diosqa allin reqsisqa kanqa,+wiñaypaq señal jinan chayqa kanqa, manan chinkanqachu”, nispa.

Uraypi willakuykuna

Qhaway Explicasqa simikuna nisqapi “Mana tukukuq munakuy” nisqata.