Marcos 16:1-8

  • Jesuspa kausarimpusqanmanta (1-8)

16  Sábado p’unchay tukurakapuqtin jinataq María Magdalenawan, Santiagoq maman Mariawan, Salomepiwan q’apaq kaqkunata* rantiranku, chaywan Jesuspa cuerponta jawimunankupaq.  Semana qallariy p’unchaytataq* pacha illarimuyllata rispa inti lloqsimuqtinña sepulturaman chayaranku.  Paykunaqa ninakusharankun: “¿Pitaq kunanri sepulturaq punkunmanta rumita suchurichipuwasunchis?”, nispa.  Qhawariqtinkutaq rumiqa suchuchisqaña kasqa, chay rumiqa sinchi jatunmi karan.  Sepulturaman jaykuspankutaq pampakama yuraq p’achayoq waynata rikuranku paña ladopi tiyashaqta, jinan paykunaqa mancharikuranku.  Chay waynan paykunata niran: “Ama mancharikuychischu. Qankunaqa k’aspipi wañuchisqa karan chay Nazaret llaqtayoq Jesustan maskhashankichis ¿riki? Payqa kausarichisqan kapun, manañan kaypichu. Qhawariychis maypichus churasqa kasharan chayta.  Kunanqa riychis, jinaspa discipulonkunaman Pedromanwan willamuychis: ‘Payqa ñauparinqan Galileata, chaypin nisqasuykichisman jina payta rikunkichis’”, nispa.  Warmikunataq sepulturamanta lloqsispanku phawaylla chaymanta ripuranku manchakuymanta khatatataspa ancha admirasqa ima. Manataq pimanpas imatapas willarankuchu manchasqa kashasqankurayku.*

Uraypi willakuykuna

Chay q’apaq kaqkunaqa karan polvowan otaq raphikunawan chaqrusqa aceiten. Chaywanmi wañusqakunaq cuerponta jawiqku p’ampanankupaq.
Chayqa karan domingo p’unchaymi, judío runakunapaqqa chaymi karan semana qallariy p’unchay.
Allin respetasqa ñaupa qelqakunaq nisqanman jinaqa, Marcos libroqa kay pusaq versiculollapin tukun.