Lucas 3:1-38

  • Diosta servinanpaq Juanta akllakusqanmanta (1, 2)

  • Bautizakuymanta Juan predican (3-20)

  • Jesuspa bautizakusqanmanta (21, 22)

  • Jesucristoq ñaupa taytankunamanta (23-38)

3  Chunka pisqayoq wataña Roma rey Tiberio kamachikushaqtinmi, Poncio Pilato Judeapi kamachikusharan; Herodestaq* Galilea provinciapi kamachikusharan; Herodespa wayqen Felipetaq Iturea, Traconítide distritokunapi kamachikusharan; Lisaniastaq Abilene distritopi kamachikusharan;  Anastaq umalli sacerdotekunamanta jujnin karan, Caifastaq uma sacerdote kasharan, chay tiempopin Zacariaspa wawan Juanqa ch’inneqpi kashaspa Diospa willakuyninta chaskiran.  Jinan payqa Jordán mayuq chimpantinta purispa muyuriqninpi runakunaman predicaran bautizakunankupaq, chhaynapi juchankumanta pesapakusqankuta rikuchinankupaq, Diospas paykunata perdonananpaqwan.  Chayta ruwaspan Juanqa profeta Isaiaspa qelqasqanta junt’aran, paymi niran: “Juj runan ch’inneqmanta wajakamushan: ‘Jehová Diospaq ñanta allichaychis limpiaychis ima.  Llapa wayq’okunan junt’achisqa kanan, llapa orqokunapas moqokunapas pampayachisqan kanan, q’ewi-q’ewi ñankunapas rectoyachisqan kanan, qhasqa ñankunapas llamp’uyachisqan kanan.  Llapa runakunan rikunqaku piwanchus Dios salvanqa chayta’”, nispa.  Chaymi Juanqa paywan bautizachikunankupaq jamuq runakunata niq: “Yau mach’aqway miraykuna, ¿pin nirasunkichis: ‘Atiwaqchismi Diospa phiñakuynin p’unchaymanta ayqeyta’, nispa?  Ruwayniykichiswan rikuchiychis juchaykichismanta pesapakusqaykichista. Amataq sonqoykichispi niychischu: ‘Taytaykuqa Abrahanmi’, nispaqa. Niykichismi: Diosqa atiyniyoqmi kay rumikunamantapas Abrahanpaq wawakunata jatarichinanpaq.  Hachaqa listoñan kashan sach’akunata saphinmantapacha wit’unapaq, chaymi allin ruruta mana ruruq sach’aqa wit’usqa kaspa ninaman wijch’uykusqa kanqa”, nispa. 10  Jinan runakunaqa Juanta tapuqku: “Chhaynaqa, ¿imatan ruwasaqku?”, nispa. 11  Juantaq paykunata niq: “Pipas iskay p’achayoqqa mana p’achayoqman jujninta qochun, jinallataq mijunayoqpas mana mijunayoqman qochun”, nispa. 12  Impuesto cobraqkunapas Juanwan bautizachikunankupaq jamuspan niranku: “Yachachikuq, ¿imatan ruwasaqku?”, nispa. 13  Juantaq paykunata niran: “Imachus cobranata jinallan impuestotaqa cobrankichis, aman astawanqa cobrankichischu”, nispa. 14  Soldadokunapas tapukurankun: “Noqaykuri, ¿imatataq ruwasaqku?”, nispa. Paykunatataq niran: “Aman pimantapas qolqentaqa qechunkichischu, amallataq pitapas yanqaqa tumpankichischu, imachus chaskisqallaykichiswan contentakuychis”, nispa. 15  Runakunaqa Cristotan suyakusharanku, chaymi llapanku sonqollankupi Juanmanta nisharanku: “¿Paychu icha Cristoqa kanpas?”, nispa. 16  Chaymi Juanqa llapankuta niran: “Noqaqa unuwanmi bautizaykichis, ichaqa jujmi jamushan noqamanta aswan atiyniyoq, noqaqa manan usut’anpa watullantapas paskanaypaq jinachu kani. Paymi bautizasunkichis santo espirituwan ninawan ima. 17  Wayrachinanqa makinpin kashan erananta allintapuni limpiananpaq; trigontan taqena wasiman oqarinqa, q’opatataq mana jayk’aq wañuq ninapi kanapunqa”, nispa. 18  Juanqa imaymanakunatawanmi runakunaman yachachiran, willashallarantaqmi allin willakuykunatapas. 19  Chaymantapas kamachikuq Herodestan anyaran wayqenpa esposan Herodiaswan casarakusqanmanta, tukuy mana allinkuna ruwasqanmantawan. 20  Chaymi Herodesqa juj mana allintawan ruwaran: Juantan carcelman wisq’achiran. 21  Juanqa askha runakunatan bautizaran, bautizallarantaqmi Jesustapas. Diosmanta Jesús mañakushaqtinmi cieloqa kicharikamuran, 22  jinan santo espirituqa paloma jina rijch’ayniyoq pay pataman uraykamuran, cielomantataq juj kunka nimuran: “Qanmi Churiyqa kanki, qantan munakuyki, qanqa sonqoypaq jinan kanki”, nispa. 23  Jesusqa kinsa chunka watanpin kasharan yachachiyta qallarishaspa, runakunaq nisqanman jinaqaJosepa wawanmi payqa karan.Joseqa Elipa wawanmi karan, 24  Elitaq Matatpa wawan karan,Matat-taq Levipa wawan karan,Levitaq Melquipa wawan karan,Melquitaq Janaipa wawan karan,Janaitaq Josepa wawan karan, 25  Josetaq Matatiaspa wawan karan,Matatiastaq Amospa wawan karan,Amostaq Nahumpa wawan karan,Nahumtaq Eslipa wawan karan,Eslitaq Nagaipa wawan karan, 26  Nagaitaq Maatpa wawan karan,Maat-taq Matatiaspa wawan karan,Matatiastaq Semeinpa wawan karan,Semeintaq Josecpa wawan karan,Josectaq Jodapa wawan karan, 27  Jodataq Joananpa wawan karan,Joanantaq Resapa wawan karan,Resataq Zorobabelpa wawan karan,Zorobabeltaq Sealtielpa wawan karan,Sealtieltaq Neripa wawan karan, 28  Neritaq Melquipa wawan karan,Melquitaq Adipa wawan karan,Aditaq Cosampa wawan karan,Cosamtaq Elmadampa wawan karan,Elmadamtaq Erpa wawan karan, 29  Ertaq Jesuspa wawan karan,Jesustaq Eliezerpa wawan karan,Eliezertaq Jorimpa wawan karan,Jorimtaq Matatpa wawan karan,Matat-taq Levipa wawan karan, 30  Levitaq Symeonpa wawan karan,Symeontaq Judaspa wawan karan,Judastaq Josepa wawan karan,Josetaq Jonampa wawan karan,Jonamtaq Eliaquimpa wawan karan, 31  Eliaquimtaq Meleapa wawan karan,Meleataq Menapa wawan karan,Menataq Matatapa wawan karan,Matatataq Natanpa wawan karan,Natantaq Davidpa wawan karan, 32  Davidtaq Jesepa wawan karan,Jesetaq Obedpa wawan karan,Obedtaq Boazpa wawan karan,Boaztaq Salmonpa wawan karan,Salmontaq Nahsonpa wawan karan, 33  Nahsontaq Aminadabpa wawan karan,Aminadabtaq Arnipa wawan karan,Arnitaq Hezronpa wawan karan,Hezrontaq Perezpa wawan karan,Pereztaq Judapa wawan karan, 34  Judataq Jacobpa wawan karan,Jacobtaq Isaacpa wawan karan,Isaactaq Abrahanpa wawan karan,Abrahantaq Tarepa wawan karan,Taretaq Nacorpa wawan karan, 35  Nacortaq Serugpa wawan karan,Serugtaq Reupa wawan karan,Reutaq Pelegpa wawan karan,Pelegtaq Eberpa wawan karan,Ebertaq Selapa wawan karan, 36  Selataq Cainanpa wawan karan,Cainantaq Arpaksadpa wawan karan,Arpaksadtaq Sempa wawan karan,Semtaq Noepa wawan karan,Noetaq Lamecpa wawan karan, 37  Lamectaq Matusalenpa wawan karan,Matusalentaq Enocpa wawan karan,Enoctaq Jaredpa wawan karan,Jaredtaq Mahalaleelpa wawan karan,Mahalaleeltaq Cainanpa wawan karan, 38  Cainantaq Enospa wawan karan,Enostaq Setpa wawan karan,Set-taq Adanpa wawan karan,Adantaq Diospa wawan karan.

Uraypi willakuykuna

Payqa karan Jatun Herodespa wawan Herodes Antipasmi.