2 Tesalonicenses 2:1-17

  • Sinchi millay runaq rijurimunanmanta (1-12)

  • Allintapuni sayanankupaq kallpachasqanmanta (13-17)

2  Wayqe-panaykuna, jayk’aqchus Señorninchis Jesucristoq chayamunan tiempo kasqanmanta, jayk’aqchus paywan juñukunanchismantawanqa  ama yuyayniykichista ratollaqa cambiaychischu, amallataq mancharikuychischu pipas “Jehová Diospa p’unchayninqa kaypiñan kashan” niqtinpas, chay rimaykuna Diosmanta jamuq willakuy jinaña kanman chaypas, ima willakuyña kanman chaypas, noqaykumanta jamuq carta jinaña kanman chaypas.  Amapunin piwanpas engañachikunkichischu; chay p’unchay jamunanpaqqa Diosmanta t’aqakuyraqmi ñaupaqtaqa kanqa, sinchi millay runapas rijurimunanraqmi kanqa, chay runaqa ch’usaqyachisqapunin kanqa.  Chay runaqa juj enemigon, pay kikinmi llapa “dios” nisqakunamantapas llapa ima adorana kaqkunamantapas aswan jatunmanraq tukunqa, chhaynapin Diospa templonpipas juj diospas kanman jinaraq lliu runa rikunanpaq tiyanqa.  ¿Manachu yuyarinkichis qankunawanraq kashaspayqa chaykunamanta rimapayaq kasqayta?  Ichaqa, yachasqaykichis jina, kanmi chay runata jark’aq, chhaynapi rijurimunan tiempopiña rijurimunanpaq.  Chay sinchi millay runaq millay ruwayninqa manaraqmi allintachu reparakushan, ichaqa ñan ruwashanña mana allinkunata; maykamachus chay jark’aq kanqa chaykamallan millay ruwayninqa mana sut’i reparasqachu kanqa.  Chaymantan ichaqa chay sinchi millay runaqa alayrita rijurimunqa. Paytan Señor Jesusqa samayninwan wañuchinqa, chayamusqan tiempopi* rikuchikusqanwantaq ch’usaqyachinqa.  Chay millay runa rijurimuspaqa Satanaspa atiyninwanmi rijurimunqa, jinaspa imaymana milagrokunata, engañanapaq señalkunata, admirakunapaq kaqkunatawan ruwanqa. 10  Chaymantapas tukuy imaymana mana allinkunata ruwaspan chinkayman rishaqkunata engañanqa, chay chinkayman rishaqkunaqa salvasqa kanankupaq cheqaq kaqta mana chaskikusqankurayku mana munasqankurayku iman chayman rishanku. 11  Chaymi Diosqa jinata paykunata saqerpariran pantasqa yachachikuywan engañachikunankupaq, chhaynapi llulla rimaykunata creenankupaq, 12  chhaynapitaq cheqaq kaqta mana creesqankumanta llapanku juzgasqa kanankupaq. Paykunaqa mana allin kaqwanmi astawanqa kusikunku. 13  Jehová Diospa munakusqan wayqe-panaykuna, Diosmi qankunataqa qallariymantapacha ajllarasunkichis salvasqa kanaykichispaq, chaytan payqa ruwaran cheqaq kaqpi creesqaykichisrayku espiritunwan ch’uyanchasqasuykichismanta. Chayraykun noqaykuqa obligasqa kayku qankunamanta Diosman graciasta qonaykupaq. 14  Allin willakuykunata willasqaykuwanmi payqa chayman wajamurasunkichis, chhaynapi Señorninchis Jesucristo jina qankunapas jatunchasqa kanaykichispaq. 15  Chayrayku, wayqe-panaykuna, allintapuni sayaychis imakunatachus yachachisqa karankichis chaykunapi, allintataq chaykunamanqa k’askakuychis, chaykunata rimapayasqa kaspaña otaq apachimusqayku cartapiña yacharankichis chaypas. 16  Yayanchis Diosqa munakuwanchismi, paymi ancha sumaq sonqo kayninpi mana tukukuq consuelota sumaq suyakuyta ima qowanchis. Paymantan mañakuyku Señorninchis Jesucristowan kuska 17  sonqoykichispi kallpachanasuykichispaq, allin ruwaykunapi allin rimaypi ima qaqata sayachinasuykichispaqwan.

Uraypi willakuykuna

Qhaway “explicasqa simikuna” nisqapi “Cristoq chayamusqan tiempo” nisqata.