1 Timoteo 3:1-16

  • Umalliq kanapaq imakunatachus junt’anamanta (1-7)

  • Yanapakuq kamachi kanapaq imakunatachus junt’anamanta (8-13)

  • Diospaq junt’aq sonqo kaymanta pakasqa yachay (14-16)

3  Kay nisqayqa confianapaq jinan: Pipas iñiqkuna qhawariq kayta munashan chayqa, ancha allin ruwaytan munashan.  Iñiqkunata qhawariqkunan ichaqa kananku: mana juchachana, juj esposallayoq, allinta controlakuq, allin yuyaywan imatapas ruwaq, respetanapaq jina kausaq,* jujkunata sumaqta chaskiq, yachachinanpaq allin preparasqa ima;  chaymantapas manan machaqchu kanan, manan pitapas maltrataqchu kanan, aswanmi llamp’u sonqo kanan,* manan maqanakuqchu kanan, manataqmi qolqe sonqochu kanan;  wasinpi kaqkunatapas allintan umallinan, wawankunatapas kasukuqta respetoyoqta iman uywanan  (manachus wasinpi kaqkunata allin umalliyta atinman chayqa, ¿imaynatataq Diospa iñiq t’aqanta cuidayta atinman?);  manan chayllaraq iñiqpaschu kanan, mana chayqa paqtapas jatunchakuq runaman tukupunman, chhaynapitaq Saqra jina juchachasqa kanman;  jawapi kaqkunaqpas allin qhawarisqanmi kanan, chhaynapi mana p’enqayta paymanta rimanankupaq, Saqraq trampanmanpas mana urmananpaqwan.  Yanapakuq kamachikunapas respetanapaq jinan kausananku, manan iskay uyachu kananku, manan vinota* nishuta ujajchu kananku, manataqmi qolqe sonqochu kananku,  aswanpas ch’uya concienciawan Diospa pakasqa yachayninman k’askakuqmi kananku, chay pakasqa yachayqa iñiymi. 10  Chaymantapas paykunataqa probakunanraqmi preparasqachus kashanku icha manachus chayta yachakunanpaq, chaymantañan yanapakuq kamachiqa kankuman, mana piqpa juchachanan kanku chayqa. 11  Warmikunapas respetanapaq jinan kausananku, manan yanqamanta tumpaqkunachu kananku, chaymantapas yachanankun ima ruwasqankupipas controlakuyta, tukuy imapitaqmi junt’aq kananku. 12  Chaymantapas, yanapakuq kamachikunaqa juj esposallayoqmi kananku, wawankutapas wasinpi kaqkunatapas allintapunin umallinanku. 13  Jujkunata allinta serviq qharikunaqa allin respetasqan kanku, mana manchakuspataqmi Cristo Jesuspi iñisqankumantapas rimanku. 14  Maytan qanwan tupayta munashani, ichaqa yaqapas mana apuraychu jamusaq, chaymi kaykunata qelqamushayki, 15  chhaynapi imaynatachus Diospa wasinpi purinayki chayta yachanaykipaq, chay wasiqa kausaq Diospa iñiq t’aqanmi, chay iñiq t’aqaqa cheqaq kaqta allinta sayachiq columnan. 16  Diospaq junt’aq sonqo kaymanta pakasqa yachayqa ancha jatunmi. ‘Jesusmi runaman tukuran, Diostaq payta chanincharan wajmanta espíritu cuerpota qospa, payqa angelkunamanmi rijuriran, nacionkunapin paymanta willasqa karan, kay pachapiqa askhan paypi iñiranku, janaq pachapipas lliflli kaywan chaskisqan karan’.

Uraypi willakuykuna

Chaypiqa “imatapas ordenpi ruwaq” nillanmantaqmi.
Chaypiqa “manan tercochu kanan” nillanmantaqmi.
Chaypiqa tukuy ima machachiq ujanamantan rimashan.