Yachachikuypa kasqanman rinapaq

Qatiqninpi kaqman yaykunapaq

Jehova Diospa testigonkuna

Quechua (Ayacucho)

¿Ima qullqiwantaq Jehova Diospa testigonkunaqa tukuyta ruwanku?

¿Ima qullqiwantaq Jehova Diospa testigonkunaqa tukuyta ruwanku?

Sunquykumanta qullqiykuta sapakama qusqaykuwanmi. Huñunakuyniykupiqa manam qullqitaqa mañanikuchu, nitaqmi diezmotapas mañanikuchu (Mateo 10:7, 8). Pipas qullqita quyta munaspanqa huñunakusqayku wasipi qullqi churanaykupaq cajachamanmi winaykunman. Ichaqa manam willakunikuchu hayka qullqita pi churasqanmantaqa.

Qullqi churasqaykuqa manam hukkunaman paganaykupaqchu. Ñuqayku ukupi yachachiqkunaqa manam qullqiraykuchu Diosmanta yachachiwanku. Diosmanta wasin-wasin willakuspaykupas manam qullqiraykuchu puriniku. Huñunakunaykupaq wasiykupas manam achka qullqipa chaninchu.

Jehova Diospa testigonkunaqa betel sutiyuq wasiykumanmi huñunakunayku wasikunapi qullqi huñusqaykumanta wakinta apachiniku, chaywanmi hatun sasachakuypi tarikuq iñiqmasiykuta yanapanku, yanapankutaqmi misionerokunata hinaspa iñiqkunata llaqtan-llaqtan watukuq iñiqmasiykutapas. Chay apachisqayku qullqiwantaqmi huñunakunaykupaq wasikunata maypipas ruwanku, bibliata hinaspa chaymanta hurqusqa qillqakunatapas.

Sapakamam sunquykupi tanteasqaykuman hina huñunakunayku wasipi gastokunapaq utaq Diosmanta enteron pachapi willakunaykupaq qullqiykuta churaniku. Hayka qullqita huñusqaykumanta hinaspa imakunapi gastasqaykumantam huñunakuyniykupi sapa killa willawanku.