Yachachikuypa kasqanman rinapaq

Qatiqninpi kaqman yaykunapaq

Jehova Diospa testigonkuna

Quechua (Ayacucho)

¿Cristianokunachu kanku Jehova Diospa testigonkunaqa?

¿Cristianokunachu kanku Jehova Diospa testigonkunaqa?

Arí. Chayna kasqanmanta qatiqninpi qaway:

  • Kallpanchakunikum Jesuspa imayna kasqanta qatipakunaykupaq hinaspa yachachisqanman hina kawsanaykupaqpas (1 Pedro 2:21).

  • Manam iskayrayanikuchu Jesus salvawananchikpaq wañusqanmantaqa. Bibliam nin “Hukqa manam pipas salvanmanchu, kay pachapiqa manataqmi pipas kanchu runakunata salvaqqa aswanqa Jesusllam.”, nispa (Hechos 4:12).

  • Jehova Diospa testigon kanaykupaqqa Jesuspa sutinpim bautizakurqaniku (Mateo 28:18, 19).

  • Jesuspa sutinpitaqmi Diosta mañakuniku (Juan 15:16).

  • Iñinikutaqmi Jesusqa llapa qaripa uman kasqanpi (1 Corintios 11:3).

Ichaqa wakinpim iñisqaykuqa mana iguallachu huk religionkunapa iñisqankuwanqa. Ñuqaykuqa manam iskayrayanikuchu bibliapi yachachisqanmantaqa, bibliapim nin Jesusqa Diospa churin kasqanmanta, manam ninchu dios tayta, dios churi, dios espiritu hukllapi kasqankutachu (Marcos 12:29) Chaymantapas manam iñinikuchu wañuqkunapa alman mana wañusqantaqa nitaq infiernopi mana allin runakunata Dios ñakarichisqanmantapas, manataqmi bibliapiqa yachachinchu religionpi punta apaqkuna iñiqmasinkunamanta aswan allinpaq hapisqa hinaspa hatunchasqa kanantaqa, chaymi ñuqaykuqa llapallayku igualla kaniku. (Eclesiastes 9:5; Ezequiel 18:4; Mateo 23:8-10).