Willakuq qillqaqa ima qillqamantapas aswan chiqichisqam, enteron pachapim sapa killa chiqichinku 42 millon qillqakunata. Chaymantañataqmi astawan chiqichinku ¡Rikchariy! qillqata, ruwankum 41 millon qillqakunata. Kay iskaynin qillqakunatam ruwanku Jehova Diospa testigonkuna hinaspapas 236 nacionkunapiwan llaqtakunapim kachkan.

¿Ima nichwantaq wakin qillqakunamanta? The Association of Magazine Media sutiyuq qillqam Estados Unidos nacionpi aswan achka rantikusqa, kaytam ruwanku 50 watanmanta hanayman runakunapaq 22,4 millon qillqakunata (American Association of Retired Persons). Alemania nacionpiñataqmi ruwanku ADAC Mortorwelt sutiyuq qillqata, chiqichinkum 14 millon qillqakunata. China nacionpiñataqmi ruwanku Gushi Hui sutiyuq qillqata, chiqichinkum 5,4 millon qillqakunata.

Japón nacionpim kachkan aswan achka periodico rantikusqanku, sutinmi Yomiuri Shimbun. Ruwankum 10 millon masnin qillqakunata.

Jehova Diospa testigonkunataqmi aswan achka rimaykunaman qillqakunata tikranku. Willakuq qillqatam tikranku 190 rimaykunaman hinaspa ¡Rikchariy! qillqatañataq 80 rimaykunaman. Reader’s Digest sutiyuq qillqatañataqmi tikranku 21 rimaykunaman, ichaqa sapa nacionpaq hinam ruwanku.

Willakuq hinaspa ¡Rikchariy! qillqakunataqa ruwanku sunqumanta runakunapa qusqanku qullqillawanmi. Manam rantikunapaq willakuykunataqa churankuchu nitaq chay qillqataqa rantikunkuchu.

Willakuq qillqaqa 1879 watamantam mana tipispa lluqsimurqa, yanapakunmi bibliata hinaspa Diospa munaychakuyninta astawan entiendenapaq. ¡Rikchariy! qillqañataqmi tukuy imamanta riman Diospi iñiyninchikta astawan kallpanchanapaq. Chaynataq Diospa palabran imaynata yanapawananchikmantapas.