28 KAQ TAKI
¿Piraq Diospa ancha kuyasqan kanman?
(Salmo 15)
-
1. ¿Piraq kanman Dioslláy
ancha kuyasqayki?
¿Piraq chay chaskisqayki kanman?
¿Piraq Jehova Dioslláy?
Qanman asuykuqmá,
qampi iñikuqmá.
Allin kaqtaña ruwallaqmá,
allin ñanpi kaqmá.
-
2. ¿Piraq kanman taytáy
llumpay kuyasqayki?
¿Piraq sunquyki kusichiqqa
kanman Jehova Dioslláy?
Qamta hatunchaqmá,
qamta kasukuqmá.
Allintaña kawsakuq kaqmá,
chiqap rimaq kaqmá.
-
3. Ñam qanwanña Dioslláy
kuska kallachkani.
Ñam makikipiña churani
ima llakiytapas.
Qanwan kuskallamá
kayta munallani.
May kuyasqaymi qamqa kanki
Jehova Dios taytalláy.
(Qawariytaq Sal. 139:1; 1 Ped. 5:6, 7).